«Vaksına 18 gradýstan tómen emes temperatýrada sýyq tizbekti saqtaý talaptaryna sáıkes temperatýralyq tirkeýshi ornatylǵan arnaıy avtokólikpen jetkizildi. Ortasha temperatýra 22-24 gradýsty qurady. Vaksına birden ortalyqtandyrylǵan vaksına qoımasynyń muzdatqyshyna salyndy», dedi Almaty qalalyq Ortalyq klınıkalyq aýrýhanasynyń epıdemıologııalyq qaýipsizdik jáne ınfeksııalyq baqylaýdy qamtamasyz etý jónindegi dırektordyń orynbasary Elvıra Ibragımova.
Qala ákimdiginiń málimetinshe, revaksınasııa 1750 adamǵa eseptelgen, ıaǵnı bul alǵashqy vaksınany alǵan tulǵalar.
Qosymsha, naýryz aıynda ekinshi kezeń úshin taǵy 9 800 doza alynady jáne ımmýndaýǵa tartylǵan emhanalar jelisi keńeıtiledi. Vaksınalar kelip túskennen keıin óz erikterimen ótinish bildirgen medısınalyq qyzmetkerler ekpe ala bastaıdy.
№36 emhananyń bas dárigeri Gúljaınat Tilegen egý aldynda barlyq qyzmetkerler dárigerdiń tekserýinen ótetinin aıtty. Ekpeni alǵannan keıin 30 mınýt ishinde vaksına saldyrǵandar jeke bólingen bólmede baqylaýda bolady.
«Búgin 65 medısına qyzmetkeri ekpe alady. Vaksınany alǵandardyń bári ózderin jaqsy sezinedi, eshqandaı janama áserler baıqalmaıdy. Qalǵan 95 adam erteń vaksınasııadan ótedi», deıdi dáriger.
Gúljaınat Tilegen atap ótkendeı, vaksına alǵannan keıin de aldyn alý sharalaryn saqtaý qajet: áleýmettik qashyqtyq jáne betperde taǵý, al JRVI belgileri anyqtalǵan jaǵdaıda adamdarǵa dárigerlerge júginý qajet.
Alǵashqy vaksına 1 aqpannan 19 aqpanǵa deıin júrgizildi. Nusqaýlarǵa sáıkes ekinshi komponent túpkilikti ımmýnıtetti qalyptastyrý úshin 21 kúnnen keıin engizilýi kerek.
