Áýezov aýdanyndaǵy Altyn besik yqshamaýdanynyń turǵyndary 17 aqpanda ótken Almaty qalasy ákiminiń eseptik kezdesýinde jataqhana salý josparyn qaıta qaraý týraly ótinishterin bildirgen edi. Olar óz ótinimderinde qala basshysyn josparlanǵan qurylys ornyna shaqyrǵan bolatyn.
«Atalǵan jerge baryp, Almaty tehnologııalyq ýnıversıtetiniń stýdentterine arnalǵan jataqhana ǵımaratyna jer telimin berý týraly qaýlynyń kúshin joıý týraly sheshim qabyldadym. Jýyrda stýdenttik úı úshin basqa qolaıly jer qarastyramyz», - dep jazdy B. Saǵyntaev.
Onyń aıtýynsha, turǵyndarmen kezdesýde bul jerge 120 oryndy balabaqsha, sport jáne vorkaýt alańdaryn salý jóninde ortaq sheshim qabyldandy.
«Ata-analar balalarǵa arnalǵan qosymsha oqytý men damytý ortalyqtaryn qurý qajettigin aıtty. Bul rette «Shyńǵa О́rleý» áleýmettik klýbtarynyń tájirıbesi negizinde tegin úıirmeler men sport seksııalaryn ashamyz», - dep atap ótti Almaty ákimi.
Áýezov aýdanyna jumys sapary barysynda qala ákimi yqshamaýdannyń qurylys salýǵa tyıym salynǵan aımaqtarda ornalasqan bos jerlerin de qarap shyqty. Munda jaıly jasyl qoǵamdyq oryndardy qurý josparlanýda. Al Nazarbaev dańǵylynda turatyn turǵyndardyń ótinishteri boıynsha Almaty ákimi B. Saǵyntaevtyń sheshimimen turǵyn úı kesheniniń qurylysy toqtatylǵan bolatyn.
