18 aqpanda saǵat 14:35 shamasynda Kegen aýdandyq polısııa bólimine 1976 jyly týǵan azamatsha jeti jastaǵy eki balanyń jáne toǵyz jastaǵy bir balanyń oınaýǵa ketip, oralmaǵanyn aıtyp júgingen.
– Balalardyń joǵalǵany týraly habar túse salysymen birden izdestirý sharalary uıymdastyryldy. Nátıjesinde sol aýyldyq okrýgke jaýapty ýchaskelik polısııa ınspektory S. Baıanbekuly men JPQB ıývenaldy polısııa tobynyń ınspektory J. Malıbekov saǵat 15:30 shamasynda balalardy taý shatqalynda oınap júrgen jerlerinen taýyp, anasyna tabystady. Balalardyń oınap júrip, taý ishine kirip, adasyp ketkendigi belgili boldy. Iývenaldy polısııa tobynyń qyzmetkerleri balalardyń anasymen profılaktıkalyq baǵyttaǵy túsindirý jumystaryn júrgizdi, – dedi Kegen aýdandyq polısııa bóliminiń bastyǵy Erlik Úrkimbaev.
О́z kezeginde balalarymen qaýyshqan ata-ana tártip saqshylaryna shyn júrekten alǵystaryn bildirip, jumystaryna tabys tiledi.
