«Búginde koronavırýs ınfeksııasyn juqtyrǵan birde bir jaǵdaı tirkelgen joq. Qazirgi tańda juqpaly aýrýlar stasıonarynda 92 adam em alýda, júkteme 20,6%-dy quraıdy. Karantındik stasıonarda 16 adam jatyr, júkteme 3,6%. 22 aqpan kúni ekpe salýdyń ekinshi kezeńine kóshken bolatynbyz, 55 adam egildi. Medısınalyq mekemeler ekpe saqtaıtyn salqyndatqysh qondyrǵylarymen qamtamasyz etilgen», dedi oblys ákiminiń birinshi orynbasary Nurjaýǵan Qalaýov.
15-22 aqpan aralyǵynda 47 baqylaý toby 181 reıd júrgizip, 851 nysan tekserildi, bes nysanǵa aıyppul salyndy. Jalpy alǵanda, 1373 nysan tekserilip, 186 mln teńgege aıyppul salyndy.
О́ńir basshysynyń tapsyrmasymen depýtattar, qoǵamdyq keńes músheleri, kásipkerler monıtorıng jasaýǵa tartyldy.
«Jaǵdaı turaqty, biraq bul arqany keńge salýǵa bolady degen sóz emes», dep eskertti Ońdasyn Orazalın.
Sondaı-aq oblys ákimi memlekettik organdardyń basshylaryna sý tasqyny kezeńine daıyndyqty kúsheıtýdi tapsyrdy.
О́ńirde sharalardyń tıisti jospary jasalyp, bekitildi, oblystyq, qalalyq jáne aýdandyq tasqynǵa qarsy komıssııanyń quramy men mindetteri anyqtaldy. Sý tasý qaýpi bar jerlerdiń tólqujattaryn túzetý barysynda oblysta 11 myńnan asa adam turatyn sý deńgeıiniń kóterilý qaýpi bar aımaqqa jatatatyn otyz eldi meken anyqtaldy.
154 614 m3 qar shyǵarylyp, 80,5 tonna janar-jaǵarmaı, 7 970 tonna ınertti materıaldar qory jasaldy, 13 myń adamdy ýaqytsha ornalastyratyn 76 oryn daıyndaldy. Oblys aýmaǵynda ornalasqan 174 gıdrotehnıkalyq ǵımarat tekserildi. Olardyń 17-si jóndeýdi qajet etedi.
Ońdasyn Orazalın Aqtóbe qalasy men aýdan ákimderine tótenshe jaǵdaıdyń oryn alýyna jol bermeý úshin qaýipsizdikti qamtamasyz etý máselesin erekshe baqylaýǵa alyp, sý qoımalaryn, sonyń ishinde ıesiz jatqandardy tekserýdi, sonymen qatar, qolda bar kúsh pen quraldardy mobılızasııalaýdy tapsyrdy.
