Qoǵam • 24 Aqpan, 2021

Almatyda bir jylda 35 myńǵa jýyq adam jumyspen qamtyldy

14 ret kórsetildi

OKQ-de ótken brıfıngte Almaty qalasynyń Jumyspen qamtý ortalyǵynyń dırektory Dılıara Imanqulova halyqty jumyspen qamtý sharalary týraly aıtyp berdi, dep habarlaıdy Egemen.kz

Spıker nátıjeli jumyspen qamtýdy jáne jappaı kásipkerlikti damytýdyń 2017-2021 jyldarǵa arnalǵan «Eńbek» memlekettik baǵdarlamasynyń iske asyrylýy týraly aıtty. Bul baǵdarlama úsh baǵyt boıynsha iske asyrylýda:

1) Eńbek naryǵynda talap etiletin mamandyqtar boıynsha qysqa merzimdi kásiptik oqytý. 2020 jyly qysqa merzimdi kásiptik kýrstarǵa 1 005 adam jiberildi.

2) Jappaı kásipkerlikti damytý, kredıtter men granttar berý.  Osy baǵyt boıynsha ótken jyldyń qorytyndysy boıynsha bıznes-ıdeıalardy iske asyrýǵa 1 705 memlekettik grant jáne 154 mıkrokredıt berildi.

3) Halyqty jumyspen qamtýǵa járdemdesý jáne eńbek resýrstarynyń utqyrlyǵy arqyly eńbek naryǵyn damytý.

«Eńbek» baǵdarlamasynyń úshinshi baǵyty mynadaı mindetterdi iske asyrýdy kózdeıdi: jumyspen qamtýǵa járdemdesý; eńbek resýrstarynyń utqyrlyǵyn arttyrý; jumysqa ornalastyrý boıynsha biryńǵaı sıfrlyq alańdy damytý.

«Baǵdarlamalar halyqty jumyspen qamtýdyń belsendi túrlerimen qamtýdy keńeıtýge múmkindik beredi. Jalpy, Almaty qalasynyń jumyspen qamtý ortalyǵymen 2020 jyly 34 855 adam jumysqa ornalastyryldy, onyń ishinde "Jumyspen qamtýdyń jol kartasy 2020" baǵdarlamasy aıasynda 10 958 adam jumysqa ornalastyryldy», dedi Dılıara Imanqulova.

Bar bos jumys oryndary týraly suraqqa jaýap bere otyryp, spıker AT-mamandyqtarǵa suranystyń ósip kele jatqanyn atap ótti.

2021 jylǵa arnalǵan basty mindet jumyssyzdyq deńgeıiniń ósýine jol bermeý jáne jumyspen qamtýǵa járdemdesý sharalarymen barynsha qamtý, jumysqa ornalastyrý boıynsha biryńǵaı sıfrlyq alańdy damytý bolyp tabylady. 20 myńnan astam adamdy jumyspen qamtý josparlanǵan.

Sońǵy jańalyqtar

ShQO-da mal urylary ustaldy

Aımaqtar • Búgin, 11:00

Uqsas jańalyqtar