Qoǵam • 24 Aqpan, 2021

Alaıaqtar Instagram-da júrgizýshi kýáligin satýda

22 ret kórsetildi

Instagram áleýmettik jelisinde júrgizýshi kýáligin satyp alýdy usynatyn «kásipkerlerdiń» jarnamasy jarııalandy. Jarnama avtorlarynyń aıtýynsha, bul zańdy jáne júrgizýshi kýáliginen resmı túrde aıyrylǵan adamdar da ony satyp ala alady, dep habarlaıdy Egemen.kz stopfake.kz saıtyna silteme jasap.

Qazaqstanda júrgizýshi kýáligin satyp alýdyń zańdy bolýy múmkin emes. QR Qylmystyq kodeksiniń 383-babyna sáıkes, resmı qujattardy satyp alý nemese satý úshin 120 AEK (2021 jyly 350 040 teńge – avt.) deıingi mólsherde aıyppul salý nemese 30 táýlikke deıingi merzimge qamaýǵa alý nemese qoǵamdyq jumystarǵa tartý jazasy qarastyrylǵan.

Júrgizýshi kýáligin zańdy túrde avtokólik júrgizý erejeleri men tehnıkasyn úırenip, teorııalyq jáne praktıkalyq bólimderden turatyn emtıhan tapsyrý arqyly alýǵa bolady. Sodan keıin mamandandyrylǵan HQKO-ǵa qujattar paketin tapsyrý jáne 1,25 AEK (3,646 teńge) mólsherinde memlekettik baj tóleý qajet.

Alaıda, alaıaqtar kólik júrgizý emtıhanyn oqyǵysy kelmeıtin adamdardyń arqasynda «aqsha tabý» múmkindigin paıdalanyp qalmaq. Ústimizdegi jyldyń tamyz aıynda biz Telegram messendjerinde 60 000 teńgege júrgizýshi kýáligin daıyndaý týraly usynystar bolǵany jaıly jazǵan bolatynbyz.

Qazirgi jarnama eski jarnamalarǵa qatty uqsaıdy. Qazaqstandyqtarǵa 2-3 kún ishinde «zańdy» qujattar beriledi eken. Tek bul joly usynysty qabyldaǵan klıentterdiń oń pikirleri joq. (Biz anyqtaǵandaı, olar jalǵan bolǵan).

Alaıaqtardyń jalǵan qujattarǵa esh qatysy bolmaýy da múmkin, olar áleýetti satyp alýshylardan «aldyn ala tólem» alǵannan keıin olardyń nomerlerin buǵattap, qarym-qatynasty toqtatady.

Al qujat daıyn bolǵan jaǵdaıda, klıent 60 000 teńgeden artyq shyǵynǵa batýy múmkin. QR QK 385-babyna sáıkes, kórineý jalǵan qujatty paıdalanǵany úshin 160 AEK (466 720 teńge) deıin aıyppul salý nemese 40 táýlikke deıingi merzimge qamaýǵa alý jazasy qarastyrylǵan.

Sońǵy jańalyqtar

ShQO-da mal urylary ustaldy

Aımaqtar • Búgin, 11:00

Uqsas jańalyqtar