Aımaqtar • 24 Aqpan, 2021

Almatyda sý tasqyny kezeńine daıyndyq barysy habarlandy

6 ret kórsetildi

Almaty qalasynyń sý tasqyny kezeńine daıyndyǵy týraly onlaın-brıfıng barysynda Almaty qalasy Tótenshe jaǵdaılar departamenti bastyǵynyń orynbasary, polkovnık Erlan Álibekov aıtyp berdi, dep habarlaıdy Egemen.kz

Sý tasqyny jaǵdaıy baqylaýda, qajetti kúshter men quraldar daıyn tur. Taýly aımaqta qazirgi ýaqytta qardyń bıiktigi 19-58 sm (Úlken Almaty kóli) quraıdy. Jaýǵan jaýyn-shashynnyń jalpy mólsheri (2020 jyldyń 1 qazanynan 2021 jyldyń 20 aqpanyna deıin) 98 mm quraıdy (norma 237 mm), ylǵal qory 42 mm (norma 85 mm), al qaladaǵy topyraqtyń qatý tereńdigi 41 sm quraıdy, byltyrǵy jylǵy kórsetkishpen salystyrǵanda 11 sm tómen (2020j. - 52 sm). Qala ózenderindegi gıdrologııalyq jaǵdaı turaqty.

Jalpy, qar tómengi taýly aımaqta naýryz aıyna deıin, ortasha taýly aımaqta sáýir-mamyr aılaryna deıin, al joǵarǵy taýly aımaqta maýsym aıyna deıin jaýatyn bolady.

Naýryz aıyna berilgen aýa raıynyń boljamyna sáıkes osy aıdaǵy ortasha aýa temperatýrasy +4,4oS bolady, bul normadan 1oS joǵary (norma: +3,4oS). Jaýyn-shashynnyń mólsheri normaǵa saı bolady dep kútilýde (norma: 76 mm).

О́tken jyly Tótenshe jaǵdaılar departamenti jıi sý basatyn 20 ýchaskeni esepke alǵan bolatyn. Onyń ishindegi bir ýchaskede (Alataý aýdany, Saıaly shaǵyn aýdany, №4, №92) Ákimdik rezerviniń qarajatyna aryq jelisi salynyp, qaýip tolyǵymen joıyldy.

Qalǵan ýchaskeler (Alataý-6, Medeý-2, Túrksib-7, Naýryzbaı–1, Jetisý-3) Almaty qalasynyń Jasyl ekonomıka basqarmasymen «Almaty qalasy boıynsha 376 shaqyrym aryq jelisin salý boıynsha jobalyq-smetalyq qujattamany (JSQ) ázirleý» jobasyna engizildi. Búgingi kúni jobalyq-smetalyq qujattamany ázirleý aıaqtalýda, naýryz aıynda memlekettik saraptamaǵa jiberiletin bolady. Bul jobany iske asyrý 2021-2023 jyldarǵa josparlanǵan.

Sonymen qatar ótken jyly qalada 30 shaqyrym aryq jelisi salynǵan bolatyn. Budan bólek, «2021-2023 jyldarǵa arnalǵan sý tasqynyna qarsy sharalar kesheni» Jol kartasy boıynsha úsh jerde jumystar júrgizilýde:  Kishi Almaty ózeni arnasynyń jekelegen ýchaskelerin qaıta jańǵyrtý (sý bólgishten Maqataev kóshesine deıin, jalpy uzyndyǵy 8,9 shaqyrym) – qazirgi ýaqytta jumystar 60 paıyzǵa oryndaldy; Tiksaı jáne Jarbulaq ózenderi arnasynyń jekelegen ýchaskelerin qaıta jańǵyrtý (jalpy uzyndyǵy 7,15 shaqyrym) – qazirgi ýaqytta jumystar 60 paıyzǵa Tiksaı ózeninde, 40 paıyzǵa Jarbulaq ózeninde oryndaldy. Esentaı ózeniniń arnasyn qaıta jańartý (sý bólgishten Jamaqaev kóshesine deıin, jalpy uzyndyǵy 4,2 shaqyrym) – qazirgi ýaqytta jumystar 40 paıyzǵa oryndaldy.

Osy úsh shara osy jyldyń sońǵy toqsanyna deıin oryndalady. Jol kartasynyń tórtinshi is-sharasy "sý qorǵaý beldeýiniń ýchaskesin jáne Úlken Almaty ózeniniń arnasyn bógetten №1 tundyrǵyshqa deıin qaıta jańartý" (5,5 km). JSQ ázirlenýde, iske asyrý merzimi 2022 jyl.

Jalpy atap ótý qajet, ıaǵnı sońǵy bes jylda qalada 497 shaqyrym aryq jelisi salynyp, 40 shaqyrymnan astam ózen arnasy nyǵaıtyldy, bul sharalar sý basýy múmkin ýchaskelerdiń sanyn 3,5 esege azaıtýǵa múmkindik berdi.

Bıylǵy jylǵy sý tasqyny kezeńine daıyndyq maqsatynda 5 aqpanda Almaty qalasy ákimdiginiń janyndaǵy Tótenshe jaǵdaılar komıssııasynyń otyrysy ótti, onda qalanyń barlyq organdaryna tıisti sharalardy atqarýǵa tapsyrmalar berildi.

Byltyrǵy jyldyń kúzinde sý tasqynyna daıyndyq barysynda 400 shaqyrym aryq jelisi men 10 shaqyrym ózen arnalary qoqystardan tazartyldy.

Osy jyly qys bastalǵaly beri 987 shaqyrym aryq jelisi men 30 shaqyrym ózen arnalary tazartyldy. Kósheler men aýlalardan 110 myń tekshemetr qar shyǵaryldy.
Almaty aýmaǵyndaǵy tabıǵı jáne tehnogendik sıpattaǵy tótenshe jaǵdaılardy joıý jónindegi is-qımyl jospary jańartyldy.

Sý basýlarǵa jedel áreket etý maqsatynda nóserli jańbyr boljanǵan jaǵdaıda sý basý qaýpi bar ýchaskelerge aldyn-ala kúsh pen qural joldanatyn bolady.

Almaty qalasynyń azamattyq qorǵaý qyzmeti daıyndyqqa keltirilip, jalpy sany 5126 adam, 746 birlik tehnıka, 7 birlik júzý quraldary, sondaı-aq 73 birlik motopompa men 99 birlik avtonomdy elektr stansııalary qarastyrylǵan kúsh pen quraldar toptamasy quryldy.

Azamattyq qorǵaý qyzmetterinde 10 myń dana qaptar, 508 tonna ınertti materıaldar, 42 tonna dızel otyny men 31 tonna benzın daıyndaldy.

Qosymsha, naýryzdyń 4 men 5 aralyǵynda «Kóktem-2021» Respýblıkalyq komandalyq-shtabtyq jattyǵýyn ótkizý jopsarlanýda jáne atalǵan shara barysynda qalanyń 8 aýdanynda ózen arnalarynyń problemalyq ýchaskelerinde praktıkalyq tazalaý jumystary júrgiziletin bolady.

Respýblıkamyzdyń basqa óńirlerinde sý tasqyny jaǵdaıy ýshyqqan jaǵdaıda, Almaty qalasynan jalpy sany 55 adam, 9 birlik tehnıka, 4 júzý quraly men 10 motopompa qarastyrylǵan kúsh pen quraldar jasaldy.

Qala ákimdiginiń rezervinde tabıǵı jáne tehnogendik sıpattaǵy tótenshe jaǵdaılardyń saldaryn joıýǵa qajetti qarajat qarastyrylǵan.

Sońǵy jańalyqtar

Uqsas jańalyqtar