Aımaqtar • 24 Aqpan, 2021

Baqytjan Saǵyntaev Fransııanyń bıznes-qaýymdastyǵymen kezdesti

9 ret kórsetildi

Almaty ákimi Baqytjan Saǵyntaev Twitter-degi akkaýntynda Fransııanyń MEDEF International bıznes-qaýymdastyǵymen kezdesýi jaıly aıtyp ótti. Bul kezdesýde Almaty ekonomıkasynyń túrli salalarynda seriktestikti damytý máseleleri talqylandy, dep habarlaıdy Egemen.kz

Kezdesýde «Investısııa, densaýlyq saqtaý, saýda, týrızm sııaqty salalardaǵy áriptestik qatynasty damytý máselesin talqylap, yntymaqtastyqtyń perspektıvalyq baǵyttaryn qaraldy», dep jazdy megapolıs basshysy.

MEDEF – Fransııa úkimetiniń áleýmettik jáne ekonomıkalyq kelissózderdegi seriktesi. Ári barlyq salalardaǵy 800 myń fransýz kásiporyndaryn biriktiretin MEDEF – «Fransııa kásiporyndarynyń qozǵalysy» Fransııadaǵy eń iri jumys berýshiler federasııasy bolyp tabylady.

Búginde Qazaqstanda fransýz kapıtaly túrli salalarda 200-den astam kásiporyndarǵa salynǵan. Olardyń qatarynda Total, Orano, Alstom jáne basqa da iri transulttyq korporasııalar bar. Táýelsizdik jyldary Fransııa kompanııalary Qazaqstanǵa 16,4 mlrd dollardan astam ınvestısııa saldy.

Eki eldiń bıznes qurylymdary arasyndaǵy ózara tıimdi yntymaqtastyqty nyǵaıtýda energetıka, sý sharýashylyǵy jáne turǵyn úı-kommýnaldyq ınfraqurylymyn jańǵyrtý, sıfrlyq densaýlyq saqtaý, bıometrııalyq júıeler, avtomobıl qurastyrý, transformator óndirisi, ǵaryshtyq jerserikterdi qurastyrý jáne t.b. salalardaǵy birlesken jobalar bar.

Sońǵy jańalyqtar

Aq úıdiń alǵashqy meımany

Álem • Búgin, 12:15

ShQO-da mal urylary ustaldy

Aımaqtar • Búgin, 11:00

Uqsas jańalyqtar