Osy jyldyń basynda «Avtodom» saýda ortalyǵynda shaǵyn burysh ashyldy, onda kólikti qaıta tirkeý qyzmetin tek bir operator ǵana usynǵan bolatyn. Memlekettik korporasııa bul buryshty keńeıtip, avtoHQO-nyń tolyqqandy sektoryna aınaldyrý týraly sheshim qabyldady.
«Biz halyq eń kóp baratyn mamandandyrylǵan HQO júktemesin azaıtyp, almatylyqtar úshin qaıta tirkeý qyzmetin yńǵaıly jerden ala alatyndaı etý mańyzdy boldy. Jańa lokasııa qala syrtyna shyqpaı-aq, satyp alynǵan mashınany qaıta resimdeý prosesin jedeldetýge múmkindik beredi. Biz tirkeý bóliminiń 50 mamanyn osy sektorǵa kóshirýdi josparlap otyrmyz», – deıdi Memlekettik korporasııanyń basqarma tóraǵasy Ádil Qojyqov.
Pandemııaǵa qaramastan, halyqqa qyzmet kórsetý ortalyqtary klıentteriniń sany azaıǵan joq. О́tken jyly almatylyqtarǵa avtokólikterdi qaıta tirkeý boıynsha 608 myń qyzmet kórsetildi, bul respýblıka boıynsha kórsetilgen qyzmet kóleminiń 24%.
Saıaly yqsham aýdanyndaǵy №1 mamandandyrylǵan HQO-da almatylyqtar burynǵydaı júrgizýshi kýáligin resimdeýge baılanysty memlekettik qyzmetterdi alýdy jalǵastyrady. Atap aıtqanda, teorııalyq, praktıkalyq emtıhandardy tapsyrý, júrgizýshi kýáligin joǵalýyna jáne merziminiń aıaqtalýyna baılanysty aýystyrý, qosymsha júrgizýshi kategorııasyn alý jáne t. b. qyzmetteri.
Esterińizge sala keteıik, azamattar avtoqyzmetterdi onlaın túrde eGov.kz jáne kaspi.kz qosymshasy arqyly rásimdeı alady.
Júrgizýshi kýáligin alý kezinde praktıkalyq emtıhan tapsyrý jáne medısınalyq tekserýden ótý Saıaly jáne Kemel shaǵyn aýdandarynyń mamandandyrylǵan halyqqa qyzmet kórsetý ortalyqtarynda júzege asyrylady. Budan basqa, avtokólikti resimdeý boıynsha shaǵyn buryshtar ALLUR AUTO, Astana Motors jáne Aster Auto salondarynda jumys isteıdi.
