Qazaqstan О́zbekstannyń jetekshi syrtqy ekonomıkalyq áriptesteriniń bestigine kiredi, bul rette Tashkent Qazaqstannyń Ortalyq Azııa óńirindegi negizgi saýda seriktesi sanalady. Azamat Asqaruly eki eldiń úkimeti ekijaqty taýar aınalymyn 10 mlrd dollarǵa deıin arttyrýdy josparlaǵanyn eske saldy.
– О́kinishke oraı, pandemııaǵa baılanysty 14 paıyzǵa tómendedi. Biraq bıyl elderimizdiń taýar aınalymyn qalpyna keltirip, arttyra alatynyna senimdimiz, – dedi «QazTrade» basshysy.
Dáp qazir Qazaqstan О́zbekstannyń jemis-kókónis jáne jeńil ónerkásibine múddeli jáne aýyl sharýashylyǵy taýarlaryn, farmasevtıkalyq taýarlar men qurylys materıaldaryn usynýǵa daıyn. Kelissóz barysynda iri qazaqstandyq «Magnum» rıteıleriniń О́zbekstan naryǵyna kirýi de sóz boldy. Saýda ortalyǵy 2021 jyldyń qyrkúıeginde О́zbekstanda alǵashqy gıpermarketti ashýdy, al 2023 jylǵa qaraı taǵy 11 dúken ashýdy josparlap otyr. Onyń úsheýi gıpermaket bolmaq. Azamat Asqaruly bul rıteılerdiń Qazaqstanda keń dárejede tanymal ekenin de aıtyp ótti.
О́zbekstandaǵy Magnum sóreleriniń 30 paıyzy qazaqstandyq óndiris ónimderimen tolyqpaq. Onyń ishinde buryn О́zbekstan naryǵyna shyqpaǵan qazaqstandyq brendter de bar.
Kelissózder kezinde taraptar eki eldiń óndirýshilerin qoldaý jáne olardyń ónimderin Qazaqstannyń múmkindikterin paıdalana otyryp, úshinshi elderdiń naryqtaryna shyǵarý boıynsha birlesken is-sharalar qurý múmkindigin de talqylady.
– Qazaqstannyń damyǵan kólik ınfraqurylymy, sonyń ishinde tranzıttik ınfraqurylymy bar. Birlesken kásiporyndar qurý arqyly, onyń ishinde Bolashaq halyqaralyq saýda-ekonomıkalyq yntymaqtastyq ortalyǵy sheńberinde birlesken qazaqstan-ózbek kásiporyndarynyń ónimderi Eýrazııalyq odaq elderiniń naryǵyna kedensiz qol jetkize alady. Budan basqa, biz birlesip óndirilgen taýarlardy logıstıkalyq ortalyqtarymyz arqyly Qytaı naryǵyna da, EO elderine de ilgerilete alamyz, – dep atap ótti Azamat Asqaruly О́zbekstan Respýblıkasynyń saýda-ónerkásip palatasy tóraǵasynyń orynbasary Farızshoh Ýsmanovpen bolǵan kezdesýde.
