Aımaqtar • 25 Aqpan, 2021

Pavlodarda er adamdy poıyz basyp ketti

657 ret kórsetildi

Pavlodar oblysynda júk poıyzy er adamdy qaǵyp ketti. Atalǵan fakti boıynsha sotqa deıingi tergeý bastaldy, dep habarlaıdy Egemen.kz

Bul týraly kóliktegi polısııa departamenti basshysynyń birinshi orynbasary Qalıjan Qoblandın aıtty. 2021 jylǵy 24 aqpanda saǵat 16:22-de Pavlodar stansııasyndaǵy jelilik polısııa bólimine Jolqudyq stansııasyndaǵy júk poıyzynyń mashınısi temirjol ótkelinen ótip bara jatqan adamdy belgilenbegen jerde basyp ketkeni týraly habarlama kelip túsken. Saldarynan er adam alǵan jaraqattarynan oqıǵa ornynda kóz jumdy.

– Biz azamattardy jeke qaýipsizdik erejelerin múltiksiz saqtaýǵa shaqyramyz. Temirjoldardan ótý tek belgilengen jáne jabdyqtalǵan oryndarda ǵana ruqsat etiletinin eske salamyz, – dep atap ótti Qalıjan Qoblandın.

Onyń aıtýynsha, jyl basynan beri poıyzdardy shuǵyl tejeýdiń 261 faktisi tirkelgen, onyń 63-i temirjol tóseminde adamdardyń, 192- i maldyń bolýyna baılanysty. Belgilenbegen oryndarda temirjoldan ótkenderi úshin 144 adam ákimshilik jaýapkershilikke tartyldy.

Sońǵy jańalyqtar

Aq úıdiń alǵashqy meımany

Álem • Búgin, 12:15

ShQO-da mal urylary ustaldy

Aımaqtar • Búgin, 11:00

Uqsas jańalyqtar