QR Prezıdenti janyndaǵy Tótenshe jaǵdaı rejımin qamtamasyz etý jónindegi memlekettik komıssııa otyrysynyń 2020 jylǵy 30 naýryzdaǵy hattamasynyń 8.2-tarmaǵyna sáıkes Energetıka mınıstrligine Ulttyq ekonomıka mınıstrligimen jáne Ádilet mınıstrligimen birlesip, avtogaz quıý stansııalarynda avtokólikterge quıýǵa arnalǵan suıytylǵan munaı gazyn ótkizýge ýaqytsha memlekettik baǵa retteýdi engizý boıynsha sharalar qabyldaý tapsyryldy.
Osylaısha, «Avtogaz quıý stansııalarynda avtokólikke quıýǵa arnalǵan suıytylǵan munaı gazyn bólshek saýdada ótkizýdiń shekti baǵalaryn belgileý týraly» buıryq qabyldanyp, 2020 jylǵy 3 sáýirde Ádilet mınıstrliginde № 20293 bolyp tirkelgen.
Buıryq avtogaz quıý stansııalarynda avtokólikke quıýǵa arnalǵan suıytylǵan munaı gazyn ótkizýge ýaqytsha memlekettik baǵalyq retteý sheńberinde qabyldanǵandyqtan, sondaı-aq kásipkerlik qyzmetti qoldaý maqsatynda «Avtogaz quıý stansalarynda avtokólikke quıýǵa arnalǵan suıytylǵan munaı gazyn bólshek saýdada ótkizýdiń shekti baǵalaryn belgileý týraly» Qazaqstan Respýblıkasy Energetıka mınıstriniń 2020 jylǵy 3 sáýirdegi № 125 jáne Qazaqstan Respýblıkasy Ulttyq ekonomıka mınıstriniń 2020 jylǵy 3 sáýirdegi № 22 birlesken buıryǵyna ózgeris engizý týraly» QR Energetıka mınıstriniń 2021 jylǵy 23 aqpandaǵy № 61 buıryǵy qabyldanyp, ádilet organdarynda tirkeldi.
«Atameken» UKP salalyq qaýymdastyqtarmen birlesip, kásipkerlerdi qoldaý maqsatynda memlekettik organdarǵa buıryqtyń qoldanylý merzimin anyqtaý boıynsha birneshe ret usynys jasaǵan bolatyn. Buıryqtyń qoldanylý merzimi uzartylǵan jaǵdaıda, kásipkerler qyzmetkerleriniń qysqarý táýekeli týyndaýda.
Osy buıryqqa sáıkes buıryqtyń sońǵy merzimi 2021 jyldyń 1 naýryzyna deıin belgilendi. Eske salsaq, ótken jyly 7 qazannan bastap suıytylǵan munaı gazyn (SMG) avtomobıl kóligimen áketýge úsh jyl merzimge tyıym salynǵan edi.
