Túrkistan QPB-nyń kezekshi bólimine qala aýmaǵynda ornalasqan meıramhanalardyń birinde ujymdyq is-shara ótip jatqandyǵy jóninde habarlama kelip túsken. Osy oqıǵanyń negizinde ýchaskelik polısııa ınspektorlary atalǵan meıramhanaǵa barǵan. Ol jerde 60 adamnyń jınalyp, qudalyq toıyn ótkizip jatqandyǵy anyqtalǵan.
Ýchaskelik polıseıler meıramhana ıesi men qudalyq toıyn uıymdastyrýshysyna qatysty QR ÁQBtK-niń 425-baby (Halyqtyń sanıtarııalyq-epıdemıologııalyq salamattylyǵy salasyndaǵy zańnama talaptaryn, sondaı-aq gıgıenalyq normatıvterdi buzý) boıynsha is-qujattardy jınaqtap, zańdy sheshim qabyldaý úshin, Túrkistan qalalyq SEBB-ǵa joldady.
Sonymen qatar karantın talaptaryn qadaǵalaý maqsatynda júrgizilgen reıd barysynda, Túrkistan qalasynda ornalasqan azyq-túlik dúkeniniń ıesi medısınalyq betperdesiz turǵyndarǵa saýda jasap turǵandyǵy anyqtaldy. Dúken ıesine qatysty QR ÁQBtK-niń 425-baby boıynsha is-qujattar jınaqtalyp, SEBB-ǵa joldandy. Osy tusta esterińizge sala ketsek, karantın rejımi áli de jalǵasýda.
