Aımaqtar • 27 Aqpan, 2021

Almatyda 452 kópbalaly otbasy baspanamen qamtylady

10 ret kórsetildi

Almaty qalasy Turǵyn úı saıasaty basqarmasy basshysynyń orynbasary Ermek Ámirov jáne Almaty qalasy «Otbasy Bank» AQ fılıaly dırektorynyń orynbasary Danagúl Túsipova óńirlik kommýnıkasııalar qyzmeti alańynda turǵyn úı baǵdarlamalaryn júzege asyrý týraly suraqtarǵa jaýap berdi.

- Kópbalaly jáne az qamtylǵan otbasylardyń baspanaǵa qoljetimdiligin arttyrý úshin qandaı quraldar (joldary) bar? О́tken jyly kópbalaly jáne az qamtylǵan otbasylarǵa qansha páter/úı berildi? Osy jylǵa jospar qandaı?

Turǵyn úıdiń qoljetimdiligin arttyrý úshin 2021 jyly «kóp balaly otbasy», «múgedek balasy bar nemese múgedek bala tárbıelep otyrǵan otbasy», «1 jáne 2-toptaǵy múgedekter», «jetim balalar» sanattary boıynsha muqtajdar esebinde turǵan azamattarǵa turǵyn úı satyp alý úshin bastapqy jarnany engizý úshin 1 mln.teńge somasyna 2 myń qaıtarymsyz turǵyn úı sertıfıkatyn berý josparlanýda.
Jalpy, 2020 jyly Kóp balaly otbasylarǵa 365 páter, halyqtyń áleýmettik osal toptary úshin 743 páter berildi.
2020 jyly barlyǵy 2 926 páter berildi.
Almaty qalasynyń ákimdigi halyqty qoljetimdi jáne jaıly baspanamen qamtamasyz etý boıynsha keshendi jumystar júrgizýde.
2020 jyly 2926 otbasy baspanamen qamtamasyz etildi, onyń ishinde:
- 879 – kommýnaldyq turǵyn úı qorynan (427-HÁOT, 452-kóp balaly otbasylar);
- 4989 – kezekte turǵandar úshin jeńildikti nesıelik baǵdarlamalar (Shańyraq  – 3578, kredıttik turǵyn úı - 1411);
- 2050 – jastarǵa arnalǵan baǵdarlamalar (Almaty jastary boıynsha kredıtteý – 1000, jumys isteýshi jastar úshin satyp alý quqyǵynsyz jalǵa berý  – 1050).
Konsýltasııalyq kómek barlyq nıet bildirýshilerge kórsetiledi. Ol úshin Basqarmanyń birinshi qabatynda operasııalyq zal bar. Sonymen qatar, keńes áleýmettik jelilerdegi paraqshalarda kórsetiledi. Iske asyrylyp jatqan baǵdarlamalar, sharttar men merzimder týraly aqparat basqarmanyń jáne Almaty jastary saıttarynda jarııalanady.

- «Shańyraq» pılottyq baǵdarlamasynda aǵymdaǵy jyldyń basynan bastap jeke turǵyn úı satyp alý úshin 225 qaryz berildi. Osy baǵdarlamanyń sharttary týraly tolyǵyraq aıtyp berseńiz.
«Shańyraq» baǵdarlamasynyń sharttary»:
- tıimdi mólsherleme – jyldyq 5%, bastapqy jarna – 10 %, qaryzdyń eń uzaq merzimi – 20 jylǵa deıin, qaryzdyń eń joǵary somasy – 18 mln.teńgege deıin. JAO-da kezekte turǵandardyń barlyq sanattary qatysýǵa quqyly.HÁOT sanatyndaǵy 427 otbasy jáne 452 kóp balaly otbasyn bıyl turǵyn úımen qamtamasyz etý josparlanýda. Bul jerde kezekte turǵandar jaıly bolyp otyr ma? HÁOT sanatyna kim kiredi?
Iá, bul páterlerdiń barlyǵy kommýnaldyq turǵyn úı qorynan turǵyn úıge muqtajdar esebinde turǵan azamattarǵa kezektilik tártibimen bólinetin bolady.
HÁOT sanatyna: UOS ardagerleri, jetim balalar, jeńildikter boıynsha UOS ardagerlerine teńestirilgen ardagerler, 1 jáne 2 toptaǵy múgedekter, tolyq emes otbasylar, múgedek balasy bar nemese múgedek bala tárbıelep otyrǵan otbasylar, jasyna baılanysty zeınetkerler, qandastar, QR Úkimeti bekitken aýrýlar tiziminde atalǵan sozylmaly aýrýlardyń aýyr túrlerimen aýyratyn adamdar, ekologııalyq apattar, tabıǵı jáne tehnogendik sıpattaǵy TJ saldarynan jalǵyz turǵyn úıinen aıyrylǵan adamdar, qyzmettik mindetterin atqarý kezinde qaza tapqan qyzmetkerdiń otbasy kiredi.

Osy jyly 8 myńnan astam turǵyndy turǵyn úımen qamtamasyz etý josparlanýda. Adamnyń alýshylar tizimine kiretinin qalaı bilýge bolady?
Páterlerdiń jalpy sanynyń 879-y kezektilik tártibimen bólinetin bolady.
Qalǵan páterler jeńildetilgen ıpotekalyq baǵdarlamalar boıynsha, sondaı-aq 29 jasqa deıingi jumys isteıtin jastar úshin satyp alý quqyǵynsyz satylady. Osy baǵdarlamalarǵa qatysý erikti sıpatta bolady. Osyǵan baılanysty qatysýǵa nıet bildirýshiler tıisti ótinim berýi tıis.
- Kezekte turǵandardy túgendeý qalaı júrgiziledi?

2020 jyldan bastap kezekte turǵandarǵa qyzmet kórsetetin baǵdarlamalyq ónim - «Esepke qoıý...» biryńǵaı ulttyq júıesi engizilgen, ol jylyna bir ret memlekettik organdardyń barlyq júıelerinen derekterdi ıntegrasııalaý arqyly avtomatty túrde túgendeý júrgizedi, onyń nátıjeleri boıynsha qajettilik bolmaǵan, basqa eldi mekenge ketken, sanatyn joǵaltqan jáne t.b. jaǵdaıda kezekte turǵan adam esepten shyǵarylady.

- «Turǵyn úı qatynastary týraly» QR Zańynda Almaty qalasynda turý talaby kózdelgen. Bul rette, qazirgi ýaqytta 14 jasqa tolmaǵan balalardy tirkeý tártibi ózgerdi. Bul fakt kezekke qoıýdan bas tartý úshin negiz bolyp tabyla ma? Memleketten turǵyn úıdi kim jáne qalaı ala alady?
14 jasqa deıingi balalardyń mekenjaı tirkeýinde bolmaýy kezekke qoıýdan bas tartý úshin negiz bolyp tabylmaıdy. Jalǵyz talap – balalardy basqa eldi mekende tirkeýge bolmaıdy.

Sońǵy jańalyqtar

Uqsas jańalyqtar