Sport • 01 Naýryz, 2021

Qysqy trıatlon jarysy ótti

4 ret kórsetildi

El táýelsizdiginiń 30 jyldyǵyna oraı elor­dadaǵy qysqy Trıatlon parkinde trıatlonnan dástúrli «Sýper sprınt» qashyqtyǵy boıynsha kásipqoılar men áýesqoılar arasynda jeke jarystyń respýblıkalyq týrnıri ótti. Mádenıet jáne sport mınıstrliginiń qoldaýymen, Nur-Sultan qalasynyń dene shynyqtyrý jáne sport basqarmasynyń uıymdastyrýymen ótken dodada elimizdiń ár óńirinen kelgen 200-ge jýyq sportshy baq synady.

Is-sharanyń saltanatty ashylý rá­simine Sport jáne dene shynyqtyrý isteri komıtetiniń tóraǵasy Serik Sápıev, Nur-Sultan qalasy dene shynyqtyrý jáne sport basqarmasynyń basshysy Samat Erǵalıev jáne Nur-Sultan qala­sy trıatlon federasııasynyń pre­zıdenti Erjan Birjanov, «Teń múm­kin­dikter álemi» qory­nyń basshysy Nur­gúl Uljekova qatysyp, týrnırge qatysý­shylarǵa sáttilik tiledi.

«Memleket basshysy Qasym-Jomart Toqaev ər Joldaýynda barlyq jastaǵy el azamattary arasynda buqaralyq sport­ty damytýdyń mańyzdylyǵyna erek­she den qoıyp keledi. Búgingi tańda elimizde trıatlon jaqsy damyp otyr. Onyń ishinde úsh sport túrin qatar alyp júrgen belsendi azamattar sany kún sanap ósip keledi. Qazirgi kezde elimizde trıatlonmen aınalysatyn adamdar sany 100 myńnan asty. Trıatlon parki osy sportpen aınalysýdy jaqsy kó­re­tin qaýym úshin arnaıy salyndy. О́ńir­lerde de osyndaı ınfraqurylym turǵyzylýda», dedi Serik Sápıev.

Nur-Sultan qalasy Dene shynyq­tyrý jáne sport basqarmasynyń bas­shysy Samat Erǵalıev jarysty uıym­dastyrýdaǵy basty maqsat – sport áýes­qoılary men salaýatty ómir saltyn ustanýshylar arasynda trıatlon, velo­sport, jeńil atletıka jáne shańǵy sportyn damytý, salaýatty ómir saltyn nasıhattap, buqara halyqty sportpen aınalysýǵa shaqyrý ekenin atap ótti.

Saryarqanyń sary aıazyna qaramas­tan, jarys jolyna shyqqan 200-ge jýyq qatysýshy júgirýden 2 shaqyrym, velojarystan 3 shaqyrym, shańǵy jarysynan 2,5 shaqyrym qashyqtyqta baq synady. Qashyqtyqty belgilengen ýaqyttan keshiktirmeı aıaqtaǵan jeke jarystyń árbir qatysýshysy máre syzyǵynda estelik medaldarmen marapattaldy.

Bıylǵy jarystyń eń úlken qatysý­shysy – 62 jastaǵy Baızaq Talapnur uıymdastyrýshylarǵa alǵysyn bildirdi. «Qysqy trıatlon jarysy óte joǵary deńgeıde uıymdastyryldy. Men bul ja­rysqa jylda qatysamyn. Búgin júgirýden bastap, shańǵy básekesi boıynsha jarys jolyn aıaqtadym. О́te qýanyshtymyn. Barsha jasty sportpen aınalysýǵa shaqyramyn», dedi Baızaq Saǵyndyquly.

Jas sanattary boıynsha I, II, III oryn alǵan sportshylar kúni keshe Nur-Sultan qalasy Trıatlon fede­rasııa­synyń keńsesinde arnaıy marapat­taldy. Aıta keteıik, jarystan túsken qa­rajat «Salamatty bolashaq» – «Sport barshaǵa» áleýmettik jobasyn qol­­daý úshin «Teń múmkindikter álemi» qa­ıyrymdylyq qoryna aýdarylatyn bolady.

Sońǵy jańalyqtar

Tórt klýb top bastap tur

Fýtbol • Búgin, 00:00

Ezop pen Abaı

Rýhanııat • Keshe

Shyndyq pen ótirik

Qazaqstan • Keshe

Aıbardyń armany

Rýhanııat • Keshe

Túrkistanǵa 3000 jyl

Rýhanııat • Keshe

Uqsas jańalyqtar