Sport • 01 Naýryz, 2021

Jas balýandar beldesýi

19 ret kórsetildi

Aqtóbede Táýelsizdiktiń 30 jyldyǵyna jáne dańqty balýan Qajymuqan Muńaıtpasovtyń 150 jyldyǵyna oraı dzıýdodan jasóspirimder jáne 23 jasqa deıingi balýandar arasynda grek-rım kúresinen kezekti Qazaqstan chempıonaty ótti.

Aldymen Aqtóbedegi «Jek­pe-jek» sport saraıyndaǵy el birinshiliginde elimizdiń 13 oblysy men Nur-Sultan, Almaty, Shymkent qalalarynan kelgen 2004, 2005, 2006 jyldary týǵan 680 jas dzıýdoshy bel­desti. Ár aımaq 16 salmaq dáre­jesi (uldar, qyzdar) boıynsha qurama jasaqtaǵan. Atalmysh el birinshiliginde jeńimpaz jáne júldeger atanǵan tatamı she­berleri ulttyq qurama sapy­na iriktelip, Azııa jáne álem bi­rinshilikterine qatysýǵa múm­kindik alady.

Bes kúnge josparlanǵan jyl­dyń mańyzdy dodasyn sport súıer qaýym tikeleı efır­­­den ǵana tamashalady. О́ıt­keni sanıtarlyq talaptar boıynsha sport saraıyna ázir­she jankúıerlerdiń kirýine ruqsat joq. Sonymen qatar sportshylarǵa PTR testtiń bolýy da mindetteldi. Jarys ýa­qytynda sport keshenine tek beldesetin balýandar men jat­tyqtyrýshysy jáne tóre­shiler ǵana kirgizildi.

Pandemııa saldarynan tatamı sheberleri jyl boıy jarystarǵa qatyspaǵandyqtan bolar, birinshilik á degennen-aq tartysty, ári emosııaǵa toly boldy. Qyzdar arasyndaǵy 40 kılo salmaqta jaýyryny jer­ge tımegen shymkenttik Sa­bına Iýldasheva top jarsa, 44 kıloda Túrkistan oblysynyń ókili Aıman Ibragımova bas júldeni oljalady. Sonymen qatar jambyldyq Ardaq Nursaq (48 kg), Almaty oblysynyń ókili Arýjan Erejepova (52 kg), atyraýlyq Dana Ábidrova (57 kg), qostanaılyq Dına Balýn (63 kg), qaraǵandylyq Dıana Telbaeva (70 kg) jáne 70 kılodan joǵary salmaqtaǵy Dılnaz Rýstamqyzy (Almaty oblysy) óz salmaqtarynda úzdik shyqty.

Uldar arasyndaǵy beldesý de tosyn oqıǵalarǵa toly boldy. Atap aıtar bolsaq, qos­tanaılyq Baımýrzın Arhat (50 kg), Atyraý oblysynyń ba­lýany Oljas Qumar (55 kg), shym­kenttik Aıan Baıkenjeev (60 kg), mańǵystaýlyq Qanat Ábıtuly (66 kg), aqtóbelik Nur­­jan Bısenov (73 kg), qara­ǵandylyq Ulan Altaev (80 kg), shymkenttik Meıirjan Berikov (90 kg) jáne 90 kılodan joǵary salmaqta Almaty oblysynyń balýany Damır Ahet el chempıony atandy.

El birinshiliginiń qory­tyn­dysy boıynsha, Almaty obly­synyń quramasy 3 altyn, 2 kú­­mis, 3 qola júldemen kósh bas­tady. Al Shymkent qalasynyń dzıýdoshylary 2 altyn, 2 kúmis jáne 4 qola júldemen ekinshi orynǵa jaıǵasty. 2 altyn, 3 qola júlde ıelengen Qaraǵandy oblysynyń jasóspirimder qu­ra­masy úzdik úshtikti qory­tyndylady.

Dzıýdodan el birinshiligi aıaq­talǵan bette «Jekpe-jek» sport saraıynyń boz kilemine elimizdiń 23 jasqa deıingi erler arasyndaǵy grek-rım balýandary shyqty. Úsh kúnge jos­parlanǵan chempıonatqa Nur-Sultan, Almaty, Shymkent qalalary men 14 oblystan 200-den astam balýan qatysty. Ba­lýandardyń básekesi de UWW (Ha­lyqaralyq kúres fe­de­ra­sııasy) erejesi boıyn­sha kó­rer­­mendersiz jáne sanı­tar­lyq nor­malardy saqtaı otyryp ótkizildi.

Baıraqty básekeniń alǵash­qy kúninde balýandar 55, 63 já­ne 87 kıloǵa deıingi salmaq dárejelerinde ózara myq­ty­ny anyqtady. 55 kıloda qy­zylordalyq Alpamys Das­tan­bek barlyq qarsylasyn esh kúmánsiz jeńse, 63 kıloda synǵa túsken elordalyq Asaý­hat Mýhamadıev fınaldyq kez­desýde Almaty oblysynan kel­gen Ǵalym Qabdýnasarovtan basym tústi. Al 87 kıloda beldesken taǵy bir elordalyq balýan Maqsat Saılaý bas júlde úshin ótken básekede Jartas Nurǵalıdy (Almaty oblysy) utyp, altyn medal taqty.

Ekinshi jarys kúninde 60, 67 jáne 77 kılo salmaqtaǵy ba­lýandar beldesti. 60 kılo­daǵy fınaldyq saıysta shy­ǵys­qa­zaqstandyq Nursultan Bazar­baev boz kilem ıesi Nur­bolat Temirbaevtan aılasyn asyryp, Qazaqstan chempıony atandy. 67 kıloda Jambyl oblysynyń balýany Din-Muhamed Qosh­qardyń baǵy jandy. Ol fınalda shyǵysqazaqstandyq Madııar Maltekbaevty jeńdi. 77 kılo salmaqta aqtóbelik Dáý­­let Jal­ǵasov úzdik shyqty. Fı­nal­da mańǵystaýlyq Rahat Sa­ǵym­baımen beldesken ol el chem­pıo­ny degen ataqqa ıe boldy.

Jarystyń sońǵy kúninde 72, 82, 97 jáne 130 kılo salmaqtaǵy balýandar sheberlik baıqasty. Reseı, Túrkııa jáne taǵy basqa da shetelde ótken birqatar ha­lyq­aralyq jarysta atoı sal­ǵan Almaty oblysynyń ókili Álıhan Kókenov (72 kg) el chem­­pıonatynda da qarsylas shy­­datpady. Fınalda ol Er­asyl Nurbosynovty alyp jyq­ty. О́tken jylǵy el birin­shi­liginde 77 kıloda top jarǵan jambyldyq Dıas Kalen bıyl da tuǵyrdyń bıik satysynan kórindi. Aqtóbedegi dodada 82 kıloda beldesken ol fınal­da qaraǵandylyq Asylbek Ábdihalyqtan aılasyn asyrdy. Al asa aýyr salmaqta ha­lyq­­aralyq týrnırlerde el qor­jynyna júlde salyp júrgen pavlodarlyq Anton Savenko (130 kg) chempıon atandy.

Sońǵy jańalyqtar

Búgin – ekologııalyq bilim kúni

Ekologııa • Búgin, 15:59

Esil ańǵarynan asyp, qaýip tóndirýde

Aımaqtar • Búgin, 13:50

Pavlodar oblysynda da balyqtar qyrylyp qaldy

Ekologııa • Búgin, 12:25

Túrkistanǵa 3000 jyl

Rýhanııat • Búgin, 12:10

Elimizde jumyssyzdyq deńgeıi ósti

Qoǵam • Búgin, 10:03

2002 adam koronavırýstan emdelip shyqty

Koronavırýs • Búgin, 09:32

Dollar qaıtadan arzandaı bastady

Qarjy • Búgin, 09:22

Saryala qazdyń qańqyly estildi

Rýhanııat • Búgin, 08:51

Shyǵyrshyqtar jeńiske shaqyrady

Oqıǵa • Búgin, 08:50

Aqmolalyqtar Aqkólge qarap boı túzeıdi

Tehnologııa • Búgin, 08:40

Qor naryǵy qymbattady

Álem • Búgin, 08:33

La-Sýfrıer janartaýy oıandy

Álem • Búgin, 08:30

Baba amanatyna adaldyq

Rýhanııat • Búgin, 08:07

Medıatorlar qatary qalyńdaı túsedi

Qoǵam • Búgin, 08:05

Balýannyń alǵashqy altyny

Kúres • Búgin, 08:02

Nannyń qadir-qasıetin umytpaıyq

Qoǵam • Búgin, 08:01

PSJ ese qaıtardy

Fýtbol • Búgin, 07:59

Jarysty jeńispen bastady

Boks • Búgin, 07:56

Jaqaevtyń taqııasy

Rýhanııat • Búgin, 07:47

Shilikti aýylyn sý basty

Aımaqtar • Búgin, 07:44

Ekpe alý pýnkti meshitte de ashyldy

Qoǵam • Búgin, 07:35

Ever Given Mysyrda qaldy

Álem • Búgin, 07:28

Jer týraly zań Senatqa joldandy

Parlament • Búgin, 07:22

Baı men kedeıdiń arasy alshaqtap barady

Ekonomıka • Búgin, 07:15

Uqsas jańalyqtar