Osy oraıda negizi 1936 jyly qalanǵan I.Krylov atyndaǵy balalar kitaphanasy da zamanaýı sıpatqa enip, munda oqyrmandar úshin túrli úıirmeler men prezentasııalar ótkizýge arnalǵan bólmeler paıdalanýǵa berildi.
Almatynyń ákimi B.Saǵyntaev Instagram-daǵy paraqshasynda da qalanyń Áýezov kóshesindegi 175-ǵımaratta ornalasqan I.Krylov atyndaǵy qalalyq balalar kitaphanasynyń aýqymdy jóndeý jumysynan keıin qaıta ashylyp, zamanaýı ári jaıly oqý zaldary men túrli úıirmelerdiń jumys isteıtindigi jaıynda jazdy.
Búginde kitaphana qory 142 myńnan astam kitappen tolyqqan. Kitaphanada qyzmet kórsetýdiń jańa úlgisi kóptegen is-sharalardy joǵary deńgeıde ótkizýge, sonymen qatar oqyrmandar sanyn 250 myńǵa deıin arttyrýǵa múmkindik beredi. Osy maqsatta, qazaq halqy men elimizdegi ózge etnostar ókilderiniń tarıhyn, mádenıetin, salt-dástúrin nasıhattaýǵa baǵyttalǵan «Altyn shańyraq» ortalyǵy qyzmet etetin bolady. Qoldanystaǵy úıirmelerge qosymsha qazaq tili, shahmat, dombyra oıyny, aqparattyq-kompıýterlik saýattylyq mektebi, kreatıvti shyǵarmashylyq klýby, «Jas ǵalym» klýby, «Oqımyz, úırenemiz, oınaımyz» úıirmesi balalar men jasóspirimder úshin rýhanı-mádenı sharalardyń ortalyǵyna aınalmaq.
ALMATY
