Jas sarbazdar áskerı boryshyn QR UQK Shekara qyzmetinde, Qarýly Kúshter qatarynda, IIM Ulttyq ulany men Tótenshe jaǵdaılar mınıstrligine qarasty bólimder jáne Memlekettik Kúzet qyzmetterinde óteıtin bolady.
–Barlyq aýdandyq, qalalyq shaqyrý jáne oblystyq jıyn pýnkti kóktemgi merzimdi áskerı shaqyrýǵa tolyq daıyn. Medısınalyq komıssııalar tıisti bilikti dáriger mamandarmen jáne medısınalyq quraldarmen tolyq qamtylǵan. Altynshy naýryzda Almaty qalasyndaǵy QR UQK Shekara qyzmetine 19 azamatty jiberetin bolamyz, - dedi oblystyq jumyldyrý daıyndyǵy basqarmasy basshysynyń orynbasary Baǵdat Álıev.
Departament bastyǵynyń orynbasary, jasaqtaý basqarmasynyń bastyǵy Dmıtrıı Jeregıa barlyq sanıtarlyq talap qatań saqtalatynyn atap ótti. Áskerge shaqyrylýshylardan mindetti túrde áskerı bólimderde, arnaıy pýnktterde PTR-taldamasy alynady. Al shaqyrylýshylarǵa ekpe júrgizý kelgen áskerı bólimde, ıaǵnı, qyzmet ótkerý oryndarynda uıymdastyrylady.
Aıta keteıik, kóktemgi áskerge shaqyrý naýqany aǵymdaǵy jyldyń birinshi shildesine deıin barlyq sanıtarlyq-epıdemıologııalyq talaptardy saqtaı otyryp jalǵasady.
Áskerı bólimderge elimizdi qorǵaýǵa qabiletti, densaýlyǵy myqty, dene bitimi shynyqqan, saýaty jetkilikti, moraldik-iskerlik qabileti joǵary azamattar attanady.
