Bıyl Almatyda ótken álem chempıonaty Qazaqstannyń ǵana emes, tórtkúl dúnıe boksynyń tarıhynda úlken oqıǵa bolǵany anyq. Bul dúbirli báseke qazaqstandyq boksshylardyń talaılardan baǵy basym ekenin, tipti, tórden oıyp turyp alatyn orny bar ekenin aıqyn dáleldedi. Qazaq elinde erte zamannan-aq jekpe-jek óneri óte jaqsy damyǵan. Kúres dese bilegin sybanyp alysa ketetin qazekem, judyryqtasý ónerinen de aldyna jan salmaıdy. Almatyda ótken álem chempıonatynda Qazaqstan quramasy 4 altyn, 2 kúmis, 2 qola oljalap, tuńǵysh ret birinshi orynǵa shyqty. Bul baıraqty básekege álemniń 111 elinen 457 boksshy qatysty. Boks – qazaqtyń ulttyq sportyna aınalǵanyna kóp jyldar bolsa da, bir álem birinshiliginde osynshama bas júlde alynbaǵan edi.
Bıyl Almatyda ótken álem chempıonaty Qazaqstannyń ǵana emes, tórtkúl dúnıe boksynyń tarıhynda úlken oqıǵa bolǵany anyq. Bul dúbirli báseke qazaqstandyq boksshylardyń talaılardan baǵy basym ekenin, tipti, tórden oıyp turyp alatyn orny bar ekenin aıqyn dáleldedi. Qazaq elinde erte zamannan-aq jekpe-jek óneri óte jaqsy damyǵan. Kúres dese bilegin sybanyp alysa ketetin qazekem, judyryqtasý ónerinen de aldyna jan salmaıdy. Almatyda ótken álem chempıonatynda Qazaqstan quramasy 4 altyn, 2 kúmis, 2 qola oljalap, tuńǵysh ret birinshi orynǵa shyqty. Bul baıraqty básekege álemniń 111 elinen 457 boksshy qatysty. Boks – qazaqtyń ulttyq sportyna aınalǵanyna kóp jyldar bolsa da, bir álem birinshiliginde osynshama bas júlde alynbaǵan edi.
Kýba qabylandary kezinde 6-7 altyn júlde alyp, dúnıe júzin bir dúrliktirse, Qazaq eli de boks tarıhyna óz atyn oıyp turyp jazdy. Egemendi el bolǵan jyldary olar barlyq Olımpııa oıyndarynda qurmet tuǵyrynyń joǵarǵy baspaldaǵyna shyǵyp, úsh ret áýesqoı bokstan bedeldi olja – Vel Barker Kýbogyna ıe boldy. Mine, osylaısha qazaqstandyq boks mektebi álemdegi myqtylardyń biri ekenin dáleldedi. Eń bastysy, qazaq boksynyń damýy durys jolda ekenin kórsetti. Sóz joq, elimizdiń tórinde ótken bul álem chempıonaty táýelsiz Qazaqstannyń álemdik sport alańynda qol jetkizgen jetistikteriniń biri.
Taǵy bir aıtarymyz – osynaý jetistik, qýanyshtyń bári Qazaqstan boksynyń júıeli damýyna 80 jyl tolýymen tuspa-tus keldi. El boksynyń tarıhyna kóz júgirter bolsaq, bizdiń elimizde eń alǵash ret 1933 jyly sporttyń osy túrinen alǵashqy seksııalar ashyla bastaǵan edi. Mine, osylaısha bizdiń elimizde boks – sporttyń erekshe tanylǵan túri. Jáne biz álemdik arenada sporttyń osy túrin damytýǵa múddelimiz.
Birjan Jaqyp, Mereı Aqshalov, Danııar Eleýsinov, Jánibek Álimhanuly, Ádilbek Nııazymbetov, Ivan Dychko, Qaırat Eralıev pen Berik Ábdirahmanovtyń Almaty tórinde ótken álem chempıonatyndaǵy jeńisteri elge úlken kúsh, rýh berdi. Osy jeńisten keıin baıraqty aǵalaryna eliktep kóptegen jasóspirimderimiz boks seksııalarynyń esigin aıqara ashqany aqıqat. Árıne, Qazaqstan boksy osyndaı abyroıǵa bir jylda nemese az ýaqyttyń ishinde ıe bolǵan joq. Joǵaryda aıtqanymyzdaı bul 80 jyldan beri tógilgen terdiń jemisi. Bul Elbasymyz N.Nazarbaevtyń sportqa degen súıispenshiligi, osy salaǵa úlken qoldaý kórsetýiniń arqasynda qol jetkizgen tabys. Jattyqtyrýshylar myqty boksshy tárbıeleý úshin baryn saldy. Áıtse de, sporttyń osy túriniń órkendeýine QR Boks federasııasynyń prezıdenti Tımýr Qulybaevtyń qosqan úlesi óte zor. Tımýr Asqaruly federasııaǵa prezıdent bolyp kelgeli jattyqtyrýshylardyń alańsyz jumys isteýine barlyq jaǵdaı jasaldy. О́z kezeginde jattyqtyrýshylar da úlken jaýapkershilikti sezinip, namysty qoldan bermedi. Birliktiń arqasynda júıeli de ǵylymı túrde júrgizilgen jumys oń nátıjesin berdi. Alla qoldap, Qazaq eli boksshylarynyń baıraqty básekelerden júldesiz oralǵan kezi bolǵan emes. Keshegi jeńis aldaǵy, ıaǵnı 2016 jyly ótetin Olımpııa oıyndaryndaǵy tuǵyrdyń eń bıik satysyna jasalǵan alǵashqy nyq qadam dep aıtýǵa ábden bolady.
Myrzaǵalı AITJANOV,
bokstan Qazaqstan ulttyq qurama komandasynyń bas bapkeri,
Qazaqstan Respýblıkasyna eńbek
sińirgen jattyqtyrýshysy.
ShYMKENT.
