Bilim • 01 Naýryz, 2021

Búginnen bastap mektepterde sabaq dástúrli formatta ótedi

9 ret kórsetildi

Bilim jáne ǵylym vıse-mınıstri Sholpan Karınova búgin, 1 naýryzdan bastap mektepterdegi ruqsat etilgen aralas formatta oqytýdy túsindirip berdi, dep habarlaıdy Egemen.kz

Vıse-mınıstr Facebook-tegi paraqshasynda 1 naýryzdan bastap Qazaqstan Respýblıkasynyń Bas memlekettik sanıtarııalyq dárigeriniń 2021 jylǵy 27 aqpandaǵy № 9 qaýlysyna sáıkes, sondaı-aq sanıtarııalyq-epıdemııalyq jaǵdaıdyń jaqsarýy men turaqtanýyna baılanysty, jalpy bilim beretin mektepterdiń 1-5 synyp jáne halyqaralyq mektepterdiń 1-7 synyp bilim alýshylaryn aralas formatta oqytýǵa ruqsat etilgenin jazdy.

«О́ńirlerdegi sanıtarııalyq-epıdemııalyq jaǵdaıdy eskere otyryp, qaı oqý pánderiniń shtattyq nemese qashyqtan oqytý formattarynda júrgizilýin jáne oqý saǵattarynyń sanyn anyqtaýdy mektepter derbes sheshedi. Bul rette mektepter osy oqý jylynda qoldanystaǵy jumys oqý josparlaryn basshylyqqa alady. Sonymen qatar, Bilim jáne ǵylym mınıstrligi «Kórkem eńbek» jáne «Mýzyka» pánderin 1-5 synyptarda qashyqtan asınhrondy formatta qaldyrýdy, qalǵan pánderdi shtattyq formatqa kóshirýdi usynady.

Tek erekshe jaǵdaılarda, aýyrǵanda nemese naýqastarmen qarym-qatynas jaǵdaılarynda ata-analardyń ótinishi boıynsha balalardy qashyqtan formatynda oqytýǵa qaldyrýǵa ruqsat etiledi», dedi Sholpan Karınova.

Onyń aıtýynsha, bilim berý prosesiniń barlyq qatysýshylary sanıtarııa-epıdemııalyq talaptaryn saqtaýy tıis.

«Mektep basshylary balalardyń qaýipsizdigin jáne densaýlyǵyn saqtaý úshin barlyq jaǵdaılardy qamtamasyz etedi. Bilim alýshylar men pedagogter jeke gıgıena erejelerin jáne sanıtarııalyq qaýipsizdik sharalaryn saqtaıdy. Ata-analar tarapynan balalardyń jeke gıgıenany saqtaýy jáne áleýmettik qashyqtyqty saqtaý qajettigin túsindirý óte mańyzdy. 1-5 synyptardyń barlyq oqýshylaryn mektepke qaıtarý bastaýysh mektep deńgeıinde bazalyq bilimniń, qajetti daǵdylar men quzyretterdiń qalyptasýymen baılanysty bolyp otyr. Olar úshin áleýmettený jáne qarym-qatynas prosesteriniń jalǵasýy, oqytý kezinde ujymdyq ózara qarym-qatynastyń qol jetimdi bolýy mańyzdy. Sondyqtan birinshi kezekte osy synyptar boıynsha sheshim qabyldandy», Sholpan Karınova.

Vıse-mınıstrdiń aıtýynsha, oqýshylarǵa mektepke mindetti mektep formasynda emes, erkin, uqypty jáne jınaqy kıimde bolýǵa ruqsat etiledi. Ata-analarǵa mektep formasyn satyp alýdyń qajeti joq.

«1 naýryzdan sabaqtan tys ýaqytta bilimdegi olqylyqtardy tolyqtyrý úshin oqýshylardy jeke oqytý 15 adamnan aspaıtyn toptarda múmkin bolady. Bul jaǵdaı áli de qashyqtan oqytýda qalyp otyrǵan 6-8, 10 synyptarǵa qatysty. Bul mindetti emes, muǵalimderdiń sheshimi men oqýshylardyń ata-analarynyń kelisimi boıynsha iske asyrylady. Balalardyń jekelegen sanattarynyń tamaqtanýy, turýy, tasymaldanýy óńirlerdiń bas memlekettik sanıtarııalyq dárigerlerimen kelisilip qamtamasyz etiledi. Barlyq qabyldanǵan sheshimder ata-analarǵa aldyn-ala jetkizilýi kerek», dedi Sholpan Karınova.

Sońǵy jańalyqtar

Nar tulǵa

Rýhanııat • Keshe

Ekpe saldyrý ózekti

Medısına • Keshe

Sheteldik basylymnan

Álem • Keshe

Aq úıdiń alǵashqy meımany

Álem • 17 Sáýir, 2021

Poıyz avtokólikti soqty

Oqıǵa • 17 Sáýir, 2021

Petropavlda tilsiz jaý der kezinde quryqtaldy

Aımaqtar • 17 Sáýir, 2021

ShQO-da mal urylary ustaldy

Aımaqtar • 17 Sáýir, 2021

Bir táýlikte 2822 adamnan koronavırýs anyqtaldy

Koronavırýs • 17 Sáýir, 2021

Uqsas jańalyqtar