Mekeme basshylyǵynyń ókilderi atalǵan oqıǵaǵa yqsham aýdandaǵy jylý kamerasy ornalasqan aýmaqqa aýyr júk kóliginiń qulap ketýi sebep bolǵan desedi. Jylý kamerasynyń betki qabaty aýyr salmaqty kóterýge eseptelmegendikten júk kóligi onyń ishine qulap ketken.
Saldarynan dıametri 500 mm jylý qubyry zaqymdanyp, 336 kóppáterli, 86 jeke turǵyn úı men 9 densaýlyq saqtaý nysany, 10 balabaqsha men 6 bilim berý mekemesi jylýdan ýaqytsha ajyratylǵan. Medeý aýdany aýmaǵyndaǵy birqatar úı jylýǵa saǵat 23:00-ge qaraı qosylýy múmkin.
Injenerlerdiń aıtýynsha, jylý qubyrynyń bir bóligindegi aqaý basqa tutynýshylarǵa, sondaı-aq osy aýmaqtaǵy ózge ǵımarattardaǵy jylý rejımine áser etpeıdi.
