Aımaqtar • 02 Naýryz, 2021

Munaıy mol Mańǵystaý

455 ret

kórsetildi

1 mın

oqý úshin

Bıyl Mańǵystaýda О́zen jáne Jetibaı ken oryndarynda munaı burqaǵynyń atqylaǵanyna 60 jyl tolmaq. Mereke qarsańynda munaıy mol dala taǵy bir jaǵymdy jańalyqty halyq ıgiligine usyndy. Ol – Mańǵystaý oblysyndaǵy Beıneý jáne Mańǵystaý aýdandarynyń aýmaǵynda ornalasqan Táńke ýchaskesinen TZ-1 birinshi barlaý uńǵymasynan munaı burqaǵynyń atqylaýy. Alynǵan synamalar boıynsha munaı sapasy óte joǵary, jeńil, kúkirti joq.

Gúlaıym DÁÝITBAI

Qýanyshty habardy jetkizgen «Merıdıan Petroleým» kompanııasynyń prezıdenti B.Qýandyqovtyń aıtýynsha, Táńkedegi kenoryn – elimiz táýelsizdigin alǵaly 30 jylda Mańǵystaý oblysynda ashylǵan alǵashqy eń iri ken orny bolmaq.

– 2018 jyly bastalǵan geologııalyq barlaý jumysy nátıjesin berdi. Alynǵan munaıdyń qysymy, debıti, gazdyq faktory jáne basqa da parametrleri boıynsha iri ken orny bolady dep josparlap otyrmyz. Qazir ken ornyndaǵy munaı qoryn anyqtaý jumys-
tary júrip jatyr. Jańa ken ornynyń aınalasynda «Qaraqudyq», «Arystan» jáne «Komsomolskoe» ken oryndary ornalasqan, – dedi «Merıdıan Petroleým» kompanııasynyń prezıdenti B.Qýandyqov.

Jańa ken ornyna aty ańyzǵa aınalǵan geolog-barlaýshy, Mańǵystaýdaǵy barlyq ken ornyn ashýǵa atsalysqan Halel О́zbekqalıevtiń esimi berildi.

Jurtshylyq jańa munaı ken ornynyń ashylýy óńirdiń áleýmettik-ekonomıkalyq damýyna keń serpin berip, jańa jumys oryndarynyń qurylýyna jol ashady degen senimde.