Elbasy Nursultan Nazarbaevtyń atyna Almaty oblysy, Eńbekshiqazaq aýdany, Dostyq aýylynyń aqsaqaldar keńesi ókilderinen hat keldi, dep habarlady Prezıdenttiń baspasóz qyzmeti.
Elbasy Nursultan Nazarbaevtyń atyna Almaty oblysy, Eńbekshiqazaq aýdany, Dostyq aýylynyń aqsaqaldar keńesi ókilderinen hat keldi, dep habarlady Prezıdenttiń baspasóz qyzmeti.
Memleket basshysynyń atyna joldaǵan hatynda avtorlar aýyldyq aýmaqtardy damytý máselesine kóńil bólgeni úshin barsha aýyldastary atynan alǵystaryn bildirgen.
Aqsaqaldar keńesiniń ókilderi Qazaqstandy álemniń eń damyǵan 30 eliniń qataryna qosýdy maqsat etken elimizdiń 2050 jylǵa deıingi Damý strategııasy qabyldanýynyń mańyzy zor ekenine toqtalǵan.
Avtorlar júzege asyrylyp jatqan memlekettik baǵdarlamalardyń arqasynda óz aýyldarynyń qarqyndy damýyn da atap ótken.
«Dostyq aýylynda birlik pen kelisimde ómir súrip kele jatqan túrli ult ókilderi óskeleń býyndy Otanǵa degen súıispenshilik rýhynda, sondaı-aq, mádenı jáne adamgershilik qundylyqtardy saqtaýǵa tárbıeleýde», – delingen hatta.
Buǵan qosa, Aqsaqaldar keńesiniń ókilderi bıylǵy naýryzda «100 mektep, 100 aýrýhana» baǵdarlamasy aıasynda 300 oqýshyǵa arnalǵan jańa mekteptiń qurylysy bastalǵanynan habardar etken.
Hat sońynda avtorlar Memleket basshysyn alda kele jatqan Jańa jylmen quttyqtap, ózderiniń eń izgi tilekterin bildirgen.
