Jıyrma altynshy aqpanda 36 jastaǵy qala turǵynynyń basqarýyndaǵy «Nıssan patrol» avtokóligin toqtatyp, qujattaryn tekserý barysynda kólikke jalǵan memlekettik belgi taǵylǵany belgili boldy. Sonymen qatar júrgizýshige belgilengen jyldamdyqty asyrǵany úshin quqyq buzýshylyqty avtomatty túrde anyqtaıtyn «Arkan» qurylǵysy arqyly 14 585 teńge aıyppul salynǵany da anyqtaldy.
Sol kúni «KamAZ» avtokóligine kórineý jalǵan memlekettik belgi taǵyp basqarǵan 31 jastaǵy qala turǵyny da ustaldy. Júk kóliginiń júrgizýshisine 4 márte jyldamdyq asyrǵany úshin 58 340 teńge kóleminde aıyppul salynǵan eken.
Qazir quqyq buzýshylarǵa Qazaqstan Respýblıkasy Ákimshilik quqyq buzýshylyq kodeksiniń 590 babynyń 4 bóligimen ákimshilik hattama toltyrylyp, kólik quraldary aıyp alańyna qoıyldy jáne kodekstiń 684 babyna sáıkes, jınaqtalǵan qujattar Qyzylorda qalalyq mamandandyrylǵan ákimshilik sotyna tıisti sheshim qabyldaý úshin joldandy.
