Aqpannyń basynda «Bıpek Avto – Azııa Avto» kásipornynyń jumysshylary «jumystan qysqartylýy múmkin» degen habarlama alǵan bolatyn. Sondyqtan jedel túrde olardy nápaqasyz qaldyrmaýǵa baǵyttalǵan sharalar qolǵa alyndy. Sonyń biri, kásiporynnyń sehynda ótken bos oryndar jármeńkesi edi. Jármeńkege Qostanaı jáne Almaty qalalarynan kelgen «Saryarqaavtoprom» jáne «Astana Motors» sekildi elimizdiń alpaýyt avtoqurastyrýshylarymen qatar, óńirdegi iri kásiporyndardyń ókilderi de qatysty.
– «Bıpek Avto – Azııa Avto» kásiporny jumysshylarynyń jumysqa ornalasý máselesi oblys ákimdiginiń baqylaýynda. Aımaq basshysynyń tóraǵalyǵymen oblystyq shtab qurylyp, oǵan kompanııalar toby men basqa da múddeli memlekettik organdar ókilderi endi. Vedomstvoaralyq úılestirý sharalary arqyly kásiporynnyń sotpen buǵattalǵan shottary ashylyp, qyzmetkerlerge aılyq pen kommýnaldyq tólemderdi tóleýge múmkindik jasaldy. Jumysshylardyń jalaqysyn 10 naýryzǵa deıin tolyq tóleý týraly sheshim qabyldandy, – dedi oblys ákiminiń birinshi orynbasary Almashan Smatlaev.
Sonymen qatar kún saıyn kompanııa jumysshylarynyń basqa kásiporyndarǵa jumysqa ornalasý jaıy baqylanyp, jaǵdaı jasalady. Nátıjesinde, jumyssyz qalǵan 1 969 jumysshynyń 1 355-i jumyspen qamtylyp, sany 614-ke azaıdy. Sondaı-aq qazirgi ýaqytta oblystaǵy 51 iri kásiporynda 1 829 bos oryn bar. Oǵan qosa elektrondy eńbek bırjasynda jumyssyz qalǵandardyń mamandyqtaryna keletin 1 900-ge jýyq bos jumys orny tirkelgen. Bıznestiń áleýmettik jaýapkershiligi baǵyty boıynsha oblystaǵy iri kompanııalar da bul isten shetkeri qalǵan joq. Osyndaı uıymdardyń biri «Kemont» kásiporny qazirgi ýaqytta zaýyttyń jumyssyz qalǵan 111 qyzmetkerin jumyspen qamtý sharalaryn júrgizýde. Aımaqtyń avtokólik qurastyrý salasyndaǵy bilikti kadrlaryna ózge óńirlerdiń kompanııalary da qyzyǵýshylyq tanytýda. Atap aıtsaq, Shyǵysqa arnaıy issaparmen Qostanaı oblysy ákiminiń orynbasary Erlan Qoıshybaev pen qazaqstandyq avtobıznesti damytý jáne uıymdastyrý uıymynyń, «Saryarqaavtoprom» jáne «Astana Motors» kompanııalarynyń ókilderi de kelip, óz usynystaryn jasady.
– Sońǵy tórt jyl kóleminde oblystaǵy avtomobıl qurastyrý salasynda oń dınamıka baıqalady. Kóshbasshy sanalatyn «Saryarqaavtoprom» kásiporny qazirgi ýaqytta avtokóliktiń 40 túrin, onyń ishinde segiz brendtik modeldi qurastyryp jatyr. 2018 jyly – 12 myń, 2019 jyly – 25 myń, al ótken jyly 40 myń avtokólik qurastyrylsa, bıyl bul kórsetkishti 60 myńǵa jetkizý kózdelgen. Bizben birge traktor men kombaın qurastyratyn «Agromashholdıng» kompanııasynyń ókilderi de keldi, – dedi E.Qoıshybaev.
Aldaǵy ýaqytta Qostanaıda qurylýy kózdelgen aýyl sharýashylyǵy tehnıkalary men avtomobılderge bólshekter óndiretin lokalızasııalyq ortalyq 450 jumys ornyn qamtamasyz etse, ındýstrııalyq aýmaqta ornalasqan «MTZ» jáne «PTZ» zaýyttary da jumysshylardy qabyldaýǵa daıyn. Osylaısha, bos oryndar jármeńkesinde «Bıpek Avto – Azııa avto» kásiporny jumysshylaryn Qostanaı men Almaty oblystaryna jumysqa shaqyrǵan qazaqstandyq óndirýshiler birqatar jaǵymdy usynys jasady.
О́SKEMEN
