Qazaqstan • 03 Naýryz, 2021

Antıkor ótken jylǵy quqyq buzýshylyq faktilerdi jarııalady

50 ret kórsetildi

Qazirgi jaǵdaıda kez kelgen memlekettik organ qoǵam tarapynan qoldaý arqyly ǵana tabysqa jete alady. Sybaılas jemqorlyqqa qarsy tıimdi is-qımyldy, atap aıtqanda, halyqtyń belsendi qatysýymen ǵana júzege asyrýǵa bolady, dep habarlaıdy Egemen.kz

Sybaılas jemqorlyqqa qarsy is-qımyl agenttigi túrli baılanys arnalary («Antikor Live», «Antikor News» jobalary, Facebook, Instagram, Telegram jáne t.b.) arqyly ashyqtyq qaǵıdatyn júzege asyryp otyr. Sonyń ishinde Call-ortalyq azamattarǵa tegin aqparattyq-konsýltasııalyq qoldaý kórsetip jatyr.

Operatorlar agenttiktiń qyzmeti týraly suraqtarǵa jaýap beredi, ári Sybaılas jemqorlyqqa qarsy qyzmet pen onyń qyzmetkerleriniń jumysyna shaǵymdar, usynystar men pikirlerdi qabyldaıdy, jumysqa túsý tártibin túsindiredi.

Ortalyq sybaılas jemqorlyq faktileri, onyń ishinde jasalǵan nemese daıyndalyp jatqan quqyq buzýshylyqtar jóninde, sondaı-aq kásipkerlik qyzmetke kedergi keltirý jaǵdaılary týraly telefon habarlamalaryna táýlik boıy den qoıady. Eger buǵan deıin qylmystyq ister baqylaý-qadaǵalaý organdary tarapynan jedel ázirlemeler men qujattyq tekserý materıaldary negizinde qozǵalsa, búgingi tańda Agenttiktiń, sondaı-aq beıjaı qaramaıtyn azamattardyń habarlamalaryna da súıenip otyr.

Sybaılas jemqorlyq quqyq buzýshylyq jasady degen kúdik týraly qońyraý túsken kezde operator abonentti Agenttiktiń kezekshi ofıserimen dereý qosady, ol habarlamany tirkeıdi jáne jedel sharalardy qabyldaıdy. Osylaısha, árbir habarlama ýaqtyly tekseriledi. Jetkilikti negizder bolǵan jaǵdaıda sotqa deıingi tergep-tekserý bastalady.

Sonyń ishinde azamattar tikeleı baılanys arqyly jergilikti Departtamenterge de sybaılas jemqorlyq faktileri týraly habarlaýda. 

Sybaılas jemqorlyq quqyq buzýshylyq faktisi týraly habarlaǵan nemese sybaılas jemqorlyqqa qarsy is-qımylǵa ózge de jolmen járdemdesken adamdarǵa, eger kináli adamǵa qatysty ákimshilik jaza qoldaný týraly sot qaýlysy nemese aıyptaý úkimi zańdy kúshine engen bolsa, birjolǵy aqshalaı syıaqy tólenedi.

Agenttik turaqty negizde sybaılas jemqorlyq quqyq buzýshylyq týraly habarlaǵan nemese sybaılas jemqorlyqqa qarsy is-qımylda ózge de jolmen járdemdesetin adamdardy kótermeleý jónindegi aýmaqtyq organdardyń jumysyna taldaý júrgizedi.

Kótermeleý Qaǵıdalarmen reglamenttelgen jáne sybaılas jemqorlyqqa múldem tózbeýshilikti qalyptastyrý jáne azamattyq qoǵamdy osy qaýipti áleýmettik qubylyspen kúreske tartý boıynsha pármendi yntalandyrýshy tetik bolyp tabylady. О́tken jyly yntalandyrý erejelerine ózgerister engizildi.

EYDU elderiniń (Germanııa, Ulybrıtanııa, AQSh) tájirıbesi boıynsha syıaqy somasy saralanǵan somaǵa aınaldy. Endi para nemese keltirilgen zalal somasy 1 myń AEK-ten (2 mln 778 myń teńge) aspaıtyn sybaılas jemqorlyq quqyq buzýshylyq týraly habarlama úshin syıaqy (qylmystyń aýyrlyǵyna baılanysty) 30-dan 100 AEK-ke deıin quraıdy.

Kórsetilgen somadan artyq – syıaqy 10%-dy quraıdy, biraq 4 myń AEK-ten aspaıdy (11 mln 112 myń teńge). Buryn kótermeleýdiń eń joǵary mólsheri 100 eseptik kórsetkishten (277 myń 800 teńge) aspaǵan. Sońǵy 2 jylda (2019 jyldan 2020 jylǵa deıin) Sybaılas jemqorlyqqa qarsy qyzmettiń aýmaqtyq organdarymen jalpy somasy 58,9 mln teńgege 396 azamat yntalandyryldy.

2019 jyly – 31,8 mln teńge somasyna 214 tulǵa.

2020 jyly – 27,1 mln teńge somasyna 182 tulǵa.

2020 jyly kótermelengenderdiń ishinen – 122 adam aýyr qylmys jasaý týraly habarlady; aýyrlyǵy ortasha ister boıynsha – 55 adam; onsha aýyr emes ister boıynsha – 2 adam; jáne 3 adam ákimshilik quqyq buzýshylyq týraly habarlaǵany úshin kótermelendi.

Taldaý kórsetkendeı, negizinen azamattar paraqorlyq (QK 366, 367 jáne 368-baptary) – 126 habarlama nemese 69,2% jáne urlaý (QK 190 jáne 189-baptary) – 46 nemese 25,2% faktileri týraly habarlaıdy. Taǵy 5 (2,7%) habarlama laýazymdyq ókilettikterin teris paıdalaný faktileri boıynsha rastaldy (QK 361-baby). Bul rette, adamdar kótermelengen rastalǵan habarlamalardyń eń kóp sany ishki ister organdaryna keledi – 50-den astam habarlama, ákimdikter men olardyń qurylymdyq bólimsheleri – 50-ge jýyq, para bergen adamdarǵa qatysty – 15-ke jýyq habarlama. Azamattardy kótermeleý boıynsha eń joǵary nátıjelilik Jambyl oblysy (30 tulǵa – 5 009 910 teńge), Almaty qalasy (19 tulǵa – 3 566 226 teńge), Túrkistan oblysy (14 tulǵa – 2 344 770 teńge) jáne Almaty oblysy (13 tulǵa – 2 328 280 teńge) boıynsha departamentterde baıqalady. Bıyl bıýdjetten 213 adamdy kótermeleýge 33,9 mln teńge (33 944 000) bólindi.

Osy jyldyń qańtar aıynda aýmaqtyq departamenttermen 1 306 740 teńge somasyna 11 tulǵa yntalandyryldy (Qaraǵandy – 390 000 teńge somasyna 1 tulǵa; Atyraý – 500 040 teńge somasyna 3 tulǵa; Mańǵystaý –138 900 teńge somasyna 1 tulǵa; Túrkistan – 138 900 teńge somasyna 1 tulǵa; Aqtóbe – 138 900 teńge somasyna 1 tulǵa; Qostanaı – 4 tulǵa (gramotalar)).

Mysaly, azamattardyń ótinishi boıynsha Qaraǵandy oblysynyń departamentimen «D» azamatynyń aryzy boıynsha Shahtınsk qalasynyń Qurylys bóliminiń basshysy Álıev jáne merdigerlik uıymdardyń dırektorlary Han men Soı aýyr sybaılas jemqorlyq qylmys jasaýda áshkerelendi (QK 28 baby 4 b. – 367 baby 3 b.).

Olar «D» azamatty prokýratýra qyzmetkerlerine kóp qabatty úı qurylysyna bólingen bıýdjet qarajatyn jymqyrý faktisi boıynsha qylmystyq isti toqtatqany úshin 3,9 mln teńge somasynda para berýge ıtermeledi.

Sot úkimi boıynsha úsheýi de kináli dep tanyldy (QK-niń 189-baby 4-bóligi, 28-baby 4-bóligi, 367 baby 3-bóligi) jáne 8 jyldan 10 jylǵa deıingi merzimge bas bostandyǵynan aıyrýǵa sottaldy.

Úkim zańdy kúshine engennen keıin, aǵymdaǵy jyldyń qańtar aıynda «D» azamatqa 390 myń teńge (para somasynyń 10%) mólsherinde syıaqy tólendi.

Atyraý oblysynda bir JShS dırektorynyń aryzy boıynsha oblystyq polısııa departamentiniń bólim bastyǵy B.Dosanov 1,5 mln teńge somasynda para alýda áshkerelendi.

Ol JShS dırektorynan balyqty kedergisiz aýlaý men satý jáne onyń kásipkerlik qyzmetine jalpy qamqorlyq jasaý úshin para bopsalady. Sot úkimimen Dosanov 3 jyl 6 aıǵa bas bostandyǵynan aıyryldy. Aryz berýshi 194 myń teńge kóleminde syıaqy aldy. Mundaı mysaldar durys azamattyq ustanymdy qalyptastyrady jáne sybaılas jemqorlyq kórinisterine jol bermeý týraly azamattardyń sanasyna oń áser etedi. Agenttik halyqpen ózara is-qımyl jasaý úshin tolyǵymen ashyq, óıtkeni sybaılas jemqorlyqqa qarsy kúres bizdiń ortaq mindetimiz bolyp tabylady.

Beıjaı qaramaıtyn azamattardy Sybaılas jemqorlyqqa qarsy is-qımyl agenttiginiń Call-ortalyǵyna 1424 nómiri arqyly sybaılas jemqorlyqtyń árbir kórinisi týraly habarlaýǵa shaqyramyz.

Sońǵy jańalyqtar

QHL: «Barys» «Vıtıazge» jol berdi

Hokkeı • Búgin, 19:35

«Egemenge» jazylyńyz – syılyq utyp alyńyz!

Egemen Qazaqstan • Búgin, 19:08

Kýrchatovta AES salynýy múmkin

Qazaqstan • Búgin, 18:02

Qyrǵyzstanda tynyshtyq kúni ornady

Álem • Búgin, 12:30

Koronavırýstyń jańa shtammyna ataý berildi

Koronavırýs • Búgin, 11:37

Vaksına saldyrǵandar sany artty

Koronavırýs • Búgin, 09:35

Pavlodar oblylysy «qyzyl» aımaqtan shyqty

Koronavırýs • Búgin, 09:16

905 adamnan koronavırýs anyqtaldy

Koronavırýs • Búgin, 09:08

Uqsas jańalyqtar