Jemqorlyq zańǵa qurmet kórsetpeýden týyndaıdy

Is-shara Esep komıteti múshe­le­riniń, apparatynyń jáne vedoms­tvolyq baǵynysty uıy­my­nyń, Nur-Sultan, Almaty, Shymkent qalalary jáne ob­lys­­­tar bo­ıynsha tekserý komıssııa­lary tóra­ǵalarynyń, Sy­baı­las jem­qor­­lyqqa qarsy qyzmettiń aýmaq­­tyq organdary bas­shy­la­ry­nyń, son­daı-aq jurt­­shy­lyq ókilderiniń qatys­ýy­men ótti.

Jobalyq keńse – eki vedoms­tvo­nyń Memleket basshy­sy­nyń Esep komıteti men tekserý ko­mıs­sııalarynyń fýnksıonalyn kúsheıtý jónindegi tapsyrmasyn iske asyrý sheńberinde sybaılas jemqorlyqtyń aldyn alý jáne parasattylyq qaǵıdattaryn ilgeri­letý boıynsha jedel jumys qa­­jettigi týraly ózara túsinis­ti­giniń nátıjesi.

Is-sharany asha otyryp, N.Godýnova sybaılas jemqorlyq kóri­­nis­teriniń ýaqtyly aldyn alý­­­­dyń mańyzdylyǵyn atap ótti. Esep komıtetiniń ótken jyl­ǵy qyz­me­tiniń qysqasha qory­tyn­­dy­lary, sybaılas jem­qor­lyq­qa qarsy is-qımyl boıynsha qa­byl­danyp jatqan sharalar aıtyldy. Sondaı-aq sybaılas jemqorlyqqa qarsy is-qımylda eki vedomstvonyń kúsh-jigerin bi­rik­tirý, barlyq memle­ket­tik organ­dardyń aqpa­rat­tyq júıe­lerin ıntegrasııalaý, bıýdjet qarajaty men Ulttyq qor aktıv­terin birlesip qadaǵalaý bo­ıynsha sharalar qabyldaý usy­nyl­dy.

Agenttik tóraǵasy sybaılas jem­qor­lyq tá­ýekelderin joıý­dan bastap para­sattylyq qaǵı­­dattaryn oryn­damaıtyn qyz­met­kerlerden ta­zar­­týǵa deıingi sy­­baılas jem­qorlyqqa qarsy ınfra­­qu­ry­lym­dy qurýdaǵy Esep komı­teti músheleriniń róline nazar aýdardy.

«Memlekettik aýdıt organdaryna qosymsha fýnksııalar bere otyryp, Esep komıteti men tekserý komıssııalary qyz­met­kerleriniń, eń aldymen, olar­dyń basshy­la­rynyń para­sat­tylyǵy men adaldyǵyn arttyrý týraly umyt­paý ma­ńyzdy», dedi sybaılas jem­­­qorlyqqa qarsy vedomstvo bas­shysy.

Qatysýshylardyń pikirinshe, buǵan qoǵamdyq kómekshiler – sarap­shylar, keńesshiler jáne qamqor azamattar kómektese alady. Osyǵan baılanysty, Jo­ba­lyq keńse sheńberinde jurt­­shylyq pen BAQ ókilderi q­a­ta­rynan sarap­ta­malyq keńes qu­ry­latyn bolady.

«Esep komıteti – Adaldyq ala­ńy» jobalyq keńsesi joǵary memlekettik aýdıt jáne qarjylyq baqylaý organynyń ashyqtyǵyn jáne qoljetimdiligin qamtamasyz etýge jańa serpin beredi. Osy­laı­sha, Esep komıteti turaqty dıa­log arqyly jurtshylyqty óz qyz­metine tartýǵa daıyn.