Bul sheshimdi Germanııa kansleri Angela Merkel men 16 federal aımaq basshysy 3 naýryzda ótken kezdesýde shyǵardy.
«Keıbir shekteý 8 naýryzdan bastap alyp tastalady. Kitap jáne gúl dúkeni, baý-baqshaǵa arnalǵan zattar dúkeni, sulýlyq salondary, kólik júrgizýdi úıretetin mektepter men pılottyq mektepter ashylady», dep habarlaıdy basylym.
Jeke kezdesýler men jınalystarǵa qoıylatyn shekteýler de jeńildeıdi: 14 jasqa deıingi balalardy eseptemegende, eki otbasynda bes adamǵa deıin kezdesýlerge ruqsat etiledi.
Sonymen qatar, kelesi aptadan bastap ár azamat aptasyna bir ret koronavırýsty anyqtaıtyn synamany tapsyrýǵa múmkindik alady, barlyq shyǵyndy federal organdar kóteredi. Qaladaǵy azyq-túlik dúkenderinen basqa dúkender, qonaq úıler, meıramhanalar jáne basqa da mekeme jabyq kúıinde qalady.
Buǵan deıin Germanııa úkimeti koronavırýs mýtasııasyna baılanysty Chehııa, Slovakııa jáne Aýstrııanyń keıbir aımaǵymen shekaradaǵy baqylaýdy 17 naýryzǵa deıin uzartty. Aıta keteıik, Germanııada koronavırýstyń úshinshi tolqyny bolýy múmikin ekenin habarlaǵan edi.
