Aımaqtar • 05 Naýryz, 2021

Bilikti basshy, bilimdi maman

43 ret kórsetildi

Búgingi tańda Jambyl oblysynyń sýarmaly jerleri Shý jáne Talas transshekaralyq ózenderiniń sýlarymen qamtamasyz etiledi. Qazirgi kezde oblys aýmaǵynda 156 gıdrotehnıkalyq qurylys bar. Oblystaǵy jer ústi sý resýrstary Shý, Talas jáne Asa ózenderiniń basseınderinde shoǵyrlanǵan. Bul rette óńir aýyl sharýashylyǵyna qajetti sý qoryn kórshi Qyrǵyz Respýblıkasynda ornalasqan «Kırov» sý qoımasynan alady. Al sýdyń bólinýi, jaıylýy, ıgerilýi sııaqty máselelerdiń bári de oblys boıynsha Shý-Talas basseındik ınspeksııasynyń mindetine kiredi. Atalǵan ınspeksııanyń basshysy Gúlmıra Imasheva búginde óńirdegi osyndaı eń bir kúrdeli salany basqaryp otyrǵan bilikti maman. Sondaı-aq ózi de qyrýar sharýanyń bel ortasynda júr.

Kóktem kelip, kún jylynǵanda bul mekemeniń jumysy tipti qy­za túsedi. Kórshi memleketten tirshilik kózin tartý, ony úı­lestirý jumystarynyń ózi bas­shyǵa úlken jaýapkershilik júkteıdi. Bul rette Gúlmıra Imasheva osy saladaǵy talaı jylǵy tájirıbesin paıdalanyp, árbir máseleniń oń sheshilýine yqpal etip keledi. Saladaǵy uzaq jylǵy eńbek ótili Gúlmıra Saǵynbaıqyzyn bul kúnde bilikti basshy, bilimdi maman retinde tanytqan.

Ol 1987 jyly Jambyl gıdro­me­lıoratıvtik-qurylys ınstıtýtyn ınjener-qurylysshy mamandyǵy boıynsha bitirgen. Názik jandylar kóp bara ber­meı­tin mamandyqtyń ıesi atanǵan keıipkerimiz sol jyldardan beri talaı baspaldaqtan ótip, tájirıbe jınady. Eń bastysy elge qyzmet etý degen abyroıly joldy tańdady. Ári aǵasy, sý salasynyń bilikti mama­ny, uzaq jyldar boıy «Jam­byl­vodstroı» aksıonerlik qoǵa­mynyń prezıdenti, oblystyq máslıhattyń depýtaty bolǵan Berikshal Imashevtiń ómirlik eńbek jolyn jalǵastyrdy.

Gúlmıra Imasheva 1988-2010 jyldar aralyǵynda Shý-Talas basseındik ınspeksııasynyń tehnıgi, ınjeneri, aǵa mamany, jetekshi mamany, bas mamany jáne bólim basshysy qyzmetterin atqarǵan. Sondaı-aq 2010 jyldan 2018 jylǵa deıin elimizdiń Aýyl sharýashylyǵy mınıstrligi Sý resýrstary komıtetiniń sarapshysy, bas sarapshysy, sý resýrstaryn paıdalanýdy retteý basqarmasynyń basshysy bolǵan. Qyzmettiń qaı satysynda júrse de talapshyl, iskerlik qasıetimen erekshelendi. Al 2018 jyly elimizdiń Ekologııa, geologııa jáne tabıǵı resýrstar mınıstrliginiń Sý resýrstary komıteti Shý-Talas basseındik ınspeksııasynyń basshysy bolyp taǵaıyndalǵan. Sodan beri osy salanyń ystyǵyna kúıip, sýyǵyna tońyp keledi. Kásibine adal bilikti basshynyń barlyq kezeńde de kúrdeli máseleniń sheshimin taýyp, tıisti sharalardy qabyldaǵany da eldiń esinde.

Máselen, jyl saıyn qyrǵyz tarapynyń memleketaralyq paıdalanýdaǵy sý sharýashylyǵy kanaldary arqyly sý berýdiń kelisilgen kestelerin saqtamaýy saldarynan jáne sońǵy jyl­dar­dyń sý tapshylyǵy kezeńine baılanysty Jambyl oblysynyń dıqandary sýdy tolyǵymen ala almaýda. Bul óz kezeginde óńir turǵyndaryn alańdatqan másele bolyp otyr. Osy máselege de bilek sybana kirisken Gúlmıra Imasheva máseleniń sheshilýi úshin tıisti kelissózder júrgizýde.

«Shý-Talas basseındik ıns­­pek­­sııasy qyzmetiniń aýmaq­tyq salasy negizinen Shý óze­ni­niń basseınine kirmeıtin Mo­ıynqum, Qordaı jáne Shý aýdan­darynyń bir bóligin qos­pa­ǵanda Jambyl oblysynyń aýmaǵyn, kórshi Túrkistan oblysy Sozaq aýdanynyń aýma­ǵyn jáne Túrkistan qalasy aýma­ǵynyń bir bóligin, sondaı-aq Qyzylorda oblysynyń Jańa­qor­ǵan jáne Shıeli aýdandary aýmaqtarynyń bir bóligin, sonymen qatar Almaty oblysy Jambyl aýdany aýmaǵynyń bir bóligin qamtıdy. Jalpy, Shý-Talas gıdrografııalyq bas­­seıniniń aýdany 160,3 myń shar­­shy shaqyrymdy quraıdy. Mekeme elimizdiń Sý Kodeksin, Úkimettiń qaýlylaryn júzege asyrýda, sý resýrstaryn tıimdi paı­dalanýdaǵy memlekettik ba­qy­laýdy jaqsartý barysynda únemi izdeniste», deıdi ınspeksııa basshysy.

Sondaı-aq ol jyl saıynǵy qysqy jáne kóktemgi kezeńderde sý tasqyny qaýpiniń aldyn alý, ony boldyrmaý maqsatynda ob­lys­tyq jáne respýblıkalyq deń­geıdegi is-sharalardy uıym­das­tyrýda aıanbaı eńbek etýde. Bilikti mamannyń eńbegin bılik te joǵary baǵalap, ol ár jyldary sý sharýashylyǵyn damytý, sý resýrstaryn tıimdi paıdalaný jáne qorǵaý jumystaryna súbeli úles qosqany úshin elimizdiń Aýyl sharýashylyǵy men Ekologııa, geologııa jáne tabıǵı resýrstar mınıstrliginiń, Sý resýrstary komıtetiniń Qurmet gramotalary jáne Alǵys hattarymen marapattalǵan. Sondaı-aq Gúlmıra Saǵynbaıqyzyna «Sý sharýashylyǵynyń úzdigi» tós­bel­gisi men «Astana 20 jyl» merekelik medali, «QR Eko­logııa salasyna 30 jyl» meda­li, «QR táýálsizdigine 25 jyl» merekelik medali jáne «QR Konstıtýsııasyna 25 jyl» mere­ke­lik medali berilgen.

 

Jambyl oblysy

 

Sońǵy jańalyqtar

Aısberg aqıqaty

Ádebıet • Búgin, 23:17

Joq kitapty izdeý

Ádebıet • Búgin, 23:15

Krest-kedergi...

Ádebıet • Búgin, 23:12

Golovkın kimdi kútip júr?

Sport • Búgin, 23:06

Aǵaıyndar azamattyq ala almaı júr

Qazaqstan • Búgin, 23:04

Bala ómiri bárinen qymbat

Qoǵam • Búgin, 23:02

Aqyl sýaty men sezim qýaty toǵysqanda

Ádebıet • Búgin, 22:59

Zaısanda mal qyrylyp jatyr

Aımaqtar • Búgin, 22:54

Shańyraq – «shaǵyn otanyń»

Qazaqstan • Búgin, 22:43

Atyraýda meıramhana otqa orandy

Aımaqtar • Búgin, 19:40

Túrkmenstannan 256 qandas kóship keldi

Aımaqtar • Búgin, 18:06

Elimizde baspana baǵasy turaqtandy

Qoǵam • Búgin, 17:56

Nur-Sultan-Pavlodar tas joly aqyly bolady

Aımaqtar • Búgin, 16:34

DDU basshysy vaksına saldyrtty

Álem • Búgin, 13:41

Uqsas jańalyqtar