Úkimet • 05 Naýryz, 2021

Úkimet basshysy Investısııalyq shtabtyń otyrysyn ótkizdi

6 ret kórsetildi

QR Premer-Mınıstri Asqar Mamınniń tóraǵalyǵymen ótken Investısııalyq shtabtyń otyrysynda Prezıdent janyndaǵy Reformalar jónindegi joǵary keńes sheńberinde tanystyrylǵan ınvestısııalardy basqarý boıynsha jańa tásilder qaraldy, dep habarlaıdy Egemen.kz primeminister.kz-ke silteme jasap.

Ulttyq ekonomıka mınıstri Áset Erǵalıev Qazaqstannyń 2025 jylǵa deıingi Ulttyq damý josparynda, sondaı-aq «Nur Otan» partııasynyń saılaýaldy baǵdarlamasynda negizgi kapıtalǵa salynǵan ınvestısııalar kólemin 2025 jyly JIО́-niń 30%-yna deıin, tikeleı sheteldik ınvestısııalar kólemin $30 mlrd-qa deıin jetkizý maqsaty qoıylǵanyn atap ótti. Osy nysanaly kórsetkishterge qol jetkizý úshin ınvestısııalardy targettelgen jáne proaktıvti tartý boıynsha júıeli sharalar iske asyrylady.

Investısııalar tartý úshin agroónerkásiptik keshen, týrızm, ınfraqurylym, mashına jasaý, farmasevtıka, TMK, munaı hımııasy, IT, bilim berý jáne qosylǵan qun deńgeıi joǵary basqa da salalar basym sektorlar bolyp aıqyndaldy. Investısııalardyń nysanaly kólemderiniń kórsetkishteri salalar boıynsha, memlekettik organdar men óńirlerdiń ákimdikteri jyldar boıynsha bóle otyryp, dekompozısııalandy. Premer-mınıstrdiń orynbasary – Syrtqy ister mınıstri Muhtar Tileýberdi 32,4 trln teńge somasyna 1 600-den astam jobadan turatyn pýl qurylǵanyn aıtty.

Tikeleı sheteldik ınvestısııalar aǵynyn qarqyndatý jónindegi jańa tásilderdi iske asyrý sheńberinde QR SIM-niń sheteldik mekemeleri úshin úsh jyldyq Eldik baǵdarlamalar ázirlenip, qabyldandy. Árbir baǵdarlama belgili bir eldiń ekonomıkasynyń qurylymynyń ereksheligin eskere otyryp, onyń targetteletin salalary men kompanııalaryn kórsetedi. Aýyl sharýashylyǵy mınıstri Saparhan Omarov bes jyl ishinde AО́K salasynda jalpy somasy 4,1 trln teńgege 400-ge jýyq ınvestısııalyq jobany iske asyrý josparlanyp otyrǵanyn atap ótti.

Bul 2025 jylǵa qaraı jalpy aýyl sharýashylyǵy óniminiń kólemin 1,3 ese, al eksportty 2 ese ulǵaıtýǵa múmkindik beredi.

Bul rette 2023 jylǵa qaraı ishki naryqty negizgi áleýmettik mańyzy bar azyq-túlik taýarlary boıynsha otandyq ónimmen molyqtyrý qamtamasyz etiletin bolady. Qaraǵandy oblysynyń ákimi Jeńis Qasymbek bıyl óńirge mashına jasaý, metallýrgııa jáne TMK sııaqty salalarǵa keminde 810 mlrd teńge ınvestısııa tartý josparlanyp otyrǵanyn aıtty. Jyl sońyna deıin 2,5 myńnan astam jańa jumys oryndaryn qurýmen 282,2 mlrd teńge somasyna 14 joba aıaqtalatyn bolady.

Qostanaı oblysynyń ákimi Arhımed Muhambetov aldaǵy bes jylda óńirde mashına jasaý, aýyl sharýashylyǵy, jańartylatyn energetıka, densaýlyq saqtaý jáne t. b. salalarda 1,6 trln teńgeden astam somaǵa 59 jobany iske asyrý josparlanǵanyn atap ótti.

Strategııalyq josparlaý jáne reformalar agenttiginiń tóraǵasy – «Astana» halyqaralyq qarjy ortalyǵynyń (AHQO) basqarýshysy Qaırat Kelimbetov sheteldik jáne otandyq ınvestorlarmen jumys isteýdiń jańa algorıtmi AHQO jáne «Kazakh Invest» UK» AQ-nyń barlyq ınvestısııalyq jobalardy egjeı-tegjeıli tekserýin kózdeıtinin baıandady. Investorlarmen ózara is-qımyldyń tıimdiligin arttyrý úshin «Kazakh Invest» UK» AQ jáne AHQO-nyń «Business Connect» bólimshesi sarapshylarynan «Task Force» arnaıy kelissóz komandasy qurylatyn bolady.

Sonymen qatar, kvazımemlekettik sektor sýbektileriniń – «Samuryq-Qazyna» UÁQ» AQ men «Báıterek» UBH» AQ-nyń ınvestısııalar tartý jónindegi jumysqa qatysýy keńeıtiledi. «Jańa ınvestısııalyq sıkldy qalyptastyrý iskerlik belsendilikti qalpyna keltirýdiń jáne ekonomıkanyń odan ári sapaly ósýiniń basty sharty bolyp tabylady», – dedi A. Mamın. Strategııalyq ınvestısııalyq kelisimder jasasý jóninde sheshimder qabyldaýdyń negizgi ortalyǵy Investısııalyq shtab bolady. Úkimet jumysynyń qorytyndysy boıynsha jyl saıynǵy negizde ınvestısııalar boıynsha Ulttyq baıandama qalyptastyrylady.

Sońǵy jańalyqtar

ShQO-da mal urylary ustaldy

Aımaqtar • Búgin, 11:00

Uqsas jańalyqtar