Medısına • 05 Naýryz, 2021

Aldaǵy 9 naýryzda Bas sanıtardyń jańa qaýlysy kúshine enedi

22 ret kórsetildi

DSM Bas memlekettik sanıtar dárigeri Erlan Qııasovtyń jańa qaýlysy jarııalandy, dep habarlaıdy Egemen.kz

Jańa qaýlyǵa sáıkes, qylmystyq-atqarý mekemelerinde sanıtarııalyq-dezınfeksııalyq rejımdi saqtaý algorıtmi» atty 24-qosymshada 4-tarmaq ózgertildi.

«4. Maskalardy nemese respıratorlardy, rezeńke qolǵaptardy mindetti túrde paıdalana otyryp jáne tergeý áreketterine qatysýshylar arasynda keminde 2 metr qashyqty saqtap, shuǵyl tergeý áreketin júrgizý úshin tergeýshige, advokatqa jáne qorǵaýshyǵa shyǵarýdy qospaǵanda, sottalǵandardyń, kúdiktilerdiń jáne aıyptalýshylardyń qatysýymen júrgiziletin barlyq sharalardy shekteý», dep jazylǵan jańa qaýlyda.

Al 2020 jylǵy 25 jeltoqsandaǵy № 68 qaýlyda 2-tarmaqtyń 9) tarmaqshasy jańa redaksııada jazyldy.

«9) 2020-2021 oqý jylynyń úshinshi toqsanynda:

– oqýshylar sany 300-ge deıin kontıngenti bar, synyptarda 15-ten kóp emes bala sanymen qalalyq jáne aýyldyq mektepterde dástúrli formatta oqytýǵa;

– 2021 jylǵy 1 naýryzdan bastap jalpy bilim beretin mektepterde mektepaldy synyptardyń, 1 synyptan 5 synypqa deıin qosa alǵanda, halyqaralyq mektepterde 1 synyptan 7 synypqa deıin qosa alǵanda, synyptarda 25-ke deıin bala sanymen oqýshylardy aralas formatta oqytýǵa;

– oqý bitiretin synyptar (9, 11 (12) synyptar) úshin aptanyń 6 kúninde aralas formatta oqytýǵa: pánderdiń 70%-y shtattyq rejımde, 30%-y qashyqtan oqytýǵa (synypta 15 adamnan artyq emes, «1 synyp – 1 kabınet» qaǵıdaty boıynsha oqytý, sanıtarııalyq-dezınfeksııalyq jáne maska rejımderin saqtaý);

– bilim berý mekemesi ákimshiliginiń sheshimimen sabaqtan tys ýaqytta 15 adamnan aspaıtyn toptarda oqýshylardy jeke oqytýǵa ruqsat berýdi qamtamasyz etsin», delingen qaýlyda. Sonymen birge, 2-tarmaqtyń 16) tarmaqshasyna da ózgerister engizilgen.

«16) osy qaýlyǵa 4-qosymshaǵa sáıkes ólshemsharttar negizinde áleýmettik-ekonomıkalyq nysandar qyzmetin shekteýdi qamtamasyz etsin.

Bul rette karantındik sharalardy kúsheıtý epıdemııalyq jaǵdaı asqynǵan jaǵdaıda 5 kún ishinde júrgiziledi («jasyl» aımaqtan «sary» aımaqqa nemese «qyzyl» aımaqtan «sary» aımaqqa kóshý), karantındik sharalardy jeńildetý «qyzyl» aımaqtan «sary» aımaqqa nemese «sary» aımaqtan «jasyl» aımaqqa kóshken soń 7 kúnnen erte júrgizilmeıdi»;

Atalǵan qaýly 2021 jylǵy 9 naýryzda saǵat 00:00-den bastap kúshine enedi. Qaýlynyń tolyq nusqasymen myna jerden tanysýǵa bolady.

Sońǵy jańalyqtar

Eldanaǵa el rıza

Sport • Keshe

Jumekenniń «Balaýsasy»

Rýhanııat • Keshe

«Sálemetsiz be, Baqtııar!»

Rýhanııat • Keshe

Sortóbeniń baǵy eselenip keledi

Rýhanııat • Keshe

Aldaǵy apta kún jylynady

Aýa raıy • Keshe

Súıispenshilik sabaǵy

Aımaqtar • Keshe

Uqsas jańalyqtar