«JSN málimetteri QR DSM-da ornalasqan ortalyq serverge jiberiledi. Qazir sáıkesinshe shara qabyldaý úshin algorıtm oılastyrylyp jatyr. Bıznes nysany shara qabyldaı almaıdy, ol tek ereje buzýshylardy anyqtaıdy», dedi qalanyń bas sanıtar dárigeri.
Júıeniń tehnıkalyq sıpattamalary jaıly TOO Digital innovation and transformation JShS dırektory Vıtalıı Pýstovoıtenko jaýap berdi. Onyń aıtýynsha, azamattar jeke málimetteriniń bireýge jarııa bolatynyna múlde qaýiptenbeýi kerek.
«Qazir bul málimetterdi eshqaıda jibermeımiz. Biz tek JSN sandaryn bazaǵa engizip tekseremiz. JSN nómiri boıynsha adamnyń qyzyl, sary, nemese jasyl mártebesi anyqtalady. Eger málimet bolmasa, adam úsh kún ishinde PTR test tapsyrmaǵan. Eger 7-8 kún buryn tapsyrsańyz, nátıje teris bolsa, sizdiń mártebeńiz kók bolady. Al «qyzyl» mártebe jasyl mártebege aýyspaıynsha ózgermeıdi. Eger adam úsh kún jasyl mártebede júrse, 2-3 kúnnen soń qaıtadan kók mártebege túsedi. Iаǵnı bazada tirkelip qalyp qoımaıdy», dedi Vıtalıı Pýstovoıtenko.
Sıfrlandyrý salasynyń mamany aıtqandaı, Ashyq qosymshasy kásipkerler arasynda oń baǵalanyp otyr. Jandarbek Bekshın osy qosymshanyń qaı mekemelerde ornatylatynyn aıtty.
