Saýaldamaǵa qatysýshylardyń 50 paıyzy teńge baǵamynyń qubylýy naryqqa teris áser etkenin aıtsa, 36 paıyzy aıtarlyqtaı áseri bolmaǵanyn aıtady. Qatysýshylardyń 57 paıyzy Qazaqstannyń EAEO aıasynda bolýyn yńǵaıly dep baǵalasa, 36 paıyzy armenııalyq kólikterdi esepke qoıýdyń teris áser bergenin aıtqan. Sondaı-aq dılerdiń 42 paıyzy 2020 jyly satylym josparly kórsetkishten asyp túskenin málim etken.
Respondentterdiń 93 paıyzy 2020 jyly jańa avtomobılder baǵasynyń ózgergenin atap ótti. Olardyń 79 paıyzy bul faktordyń satylymǵa teris áseri boldy deıdi. Soǵan qaramastan, baǵa aıtarlyqtaı kóterilmegen. Eger 2018 jyldyń sońynda baǵalar ortasha alǵanda 11 paıyzǵa joǵarylasa, 2019 jyldyń sońynda 6,3 paıyzǵa, 2020 jyldyń sońynda jekelegen brendter men modelder úshin 5-7 paıyzǵa kóterildi.
Dılerler 2021 jyly satylym byltyrǵydan da joǵary bolady dep boljaıdy. 50 paıyzy byltyrǵydan 5-10 paıyzǵa joǵary deńgeıde kólik satýdy josparlasa, 14 paıyzy 10-20 paıyzǵa, 21 paıyzy 20-30 paıyzǵa artyq satylym jasaýǵa nıetti.
Qazaqstan avtobıznes qaýymdastyǵynyń málimetinshe, 2020 jyly jańa avtomobılder satylymy 93 371 birlikke jetken. Elimizde byltyr 75 235 jeńil avtokólik, júk jáne jolaýshylar avtokólikteri qurastyrylǵan. Bul 2019 jylmen salystyrǵanda 52 paıyzǵa joǵary.
«Naryq pen salanyń damý perspektıvasyna taldaý jasaı otyra, bıyl naryqtaǵy jergilikti avtomobılder úlesiniń ósý tendensııasy jalǵasady. О́z kezeginde avtoóndiris salasy óndiris qýattylyǵyn arttyryp, shyǵarylǵan ónimdi lokalızasııalaý jáne eksporttaýdy ulǵaıtpaq. 2021 jyly qaýymdastyq 100-120 myń jeńil jáne kommersııalyq avtokólikter satylymy bolady dep boljaıdy» delingen qaýymdastyq habarlamasynda.
