– 15 aqpandaǵy jaǵdaı boıynsha 1 072 lombardqa qatysty májbúrlep jabý týraly sheshim shyǵaryldy. 144 lombard boıynsha sot shaǵymdy qarastyrǵan joq, 143 lombardqa qatysty shaǵymdar qaıtarylyp alyndy. Qalǵan 368 lombardty májbúrlep jabý máselesi sotta qaralyp jatyr, – deıdi agenttik basshysy Mádına Ábilqasymova.
Onyń aıtýynsha, barlyq mıkro qarjy uıymdary 2020 jyldyń 1 qańtar – 1 shilde aralyǵynda agenttiktiń eseptik tirkeýinen ótýge mindettelgen. 2020 jyldyń qorytyndysy boıynsha, ondaı tirkeýden 664 lombard ótken. Bul tirkeýden ótpegen zańdy tulǵalar, onyń ishinde lombardtar májbúrlep jabylý sheshimin oryndaıdy.
Byltyr jyl sońynda lombardtar ulttyq lıgasy qaýymdastyǵy 2020 jyly eldegi lombardtardyń 80 paıyzy jabylǵanyn málimdegen edi. Qarjylyq pıramıdalardyń keńinen taralýy lombardtar qyzmetine qoıylatyn talaptyń kúsheıýine alyp keldi. О́z kezeginde mıkroqarjy uıymdary mundaı bıik talaptardy oryndaı almady. Aqyrynda naryqtan ketýge májbúr bolǵan. Pandemııa da mundaı qarjy uıymdarynyń qyzmetine kedergisin tıgizdi.
