Qoǵamdyq tamaqtandyrý qaýymdastyǵynyń deregi boıynsha, eger pandemııaǵa deıin elimizde 95 myń nysan jumys istese, qazir solardyń 27 myńy ǵana jumysyn qaıta jalǵastyrǵan. Qaýymdastyqtyń basqarma tóraǵasynyń keńesshisi Veronıka Nurpeıisovanyń aıtýynsha, 1 naýryzdan bastap boýlıng, bılıard zaldarynyń ashylýyna ruqsat etildi. Biraq zaldyń syıymdylyǵy 50 paıyzdan, kelýshiler sany 50 adamnan aspaýy kerek. 2020 jyldyń qorytyndysy boıynsha megapolıstegi qoǵamdyq tamaqtandyrý oryndarynyń qaryzy aı saıyn 10-11 mln teńgeni, shaǵyn qalalarda 5 mln teńgeni quraıdy. Oǵan bir jyl ishinde 38-den 42 paıyzǵa deıin qymbattaǵan kommýnaldyq qyzmet quny da kiredi.
«Kommýnaldyq qyzmetter shaǵyn jáne orta bızneske kómektesýi kerek. ShOB-ty sý men jaryqtan ajyratyp tastamas úshin kanıkýldyq túsimder múmkindigin usyný qajet. Bir jyl boıy jumys istemegen bıznes elektr qýaty men sýdy qashan óshirgenińizdi bilmeıdi jáne kóbine toqtatý týraly habarlama almaıdy», deıdi V.Nurpeıisova.
Onyń aıtýynsha, taǵy bir túıtkil, kásipkerlerdiń bank aldyndaǵy boryshy bolyp tur. Kóbi arendalyq tólem kelisimi boıynsha jumys istep, jeke tulǵa retinde nesıe rásimdegen. Sondyqtan elimizdegi zańnamaǵa «jeke tulǵalardyń bankrottyǵy» týraly túsinik engizilýi kerek dep esepteıdi.
«Eger adam bıznestegi áreketi saldarynan bankrot bolsa, onysyn qujaty rastap tursa onda qaryzy, nesıesi ishinara nemese tolyqtaı keshiriledi. Bul búkil álemde bar tájirıbe. Munyń basty maqsaty – jeke tulǵanyń bank qaryzy saldarynan jeke múlkinen aırylýyna jol bermeý. Statıstıka boıynsha, kásipkerler kóp jaǵdaıda jeke múlkin kepilge qoıyp jeke tulǵa retinde nesıe alady. Sondyqtan bul zańnyń jeke kásipkerlerge qatysty qoldanylýyn quptaımyz. О́ıtkeni olar zańdy tulǵa emes jáne «zańdy tulǵalardyń bankrottyǵy týraly» zań olarǵa júrmeıdi», deıdi sarapshy.
