Elimizdiń Premer-Mınıstriniń atyna joldaǵan depýtattyq saýalynda ol oblystaǵy ózenderdiń sýynyń azaıýy jer asty sý kózderiniń azaıýyna ákelip soqqanyn jáne ekologııa men aýyl sharýashylyǵyna teris áser etkenin atap ótti. Odan basqa, Balı jáne Jańasý ken oryndarynda jer asty sý kózderin paıdalaný, sondaı-aq 200-ge jýyq uńǵymany jóndeý nemese joıý máselesi sheshilgen joq.
Senator Dúısembaevtyń aıtýynsha, óńirdegi negizgi aýyz sý kóziniń biri bolyp tabylatyn «Astrahan-Mańǵyshlaq» magıstraldy sý qubyry da jańǵyrtýdy jáne keńeıtýdi qajet etedi. Osy problemalardyń saldarynan oblystaǵy 7 aýdannyń 3 aýdany turǵyndary jazda sýdy «saǵat boıynsha» alýǵa májbúr bolyp otyr.
«Qalyptasqan jaǵdaıǵa baılanysty jer asty sý qorlaryn rastaý, ózdiginen aǵatyn uńǵymalardy joıý jáne jóndeý úshin qarajat bólgen durys bolar edi. Sondaı-aq úlken jerasty tushy sý kózi ornalasqan Qyzylqoǵa aýdanyndaǵy «Taısoıǵan» polıgonynyń bir bóligin polıgon ıeliginen shyǵarý máselesine Oıyl, Saǵyz jáne Jem ózenderi boıynsha tıisti jumystar júrgizý sharalaryn qosa otyryp Reseı Federasııasymen kelissózder júrgizý qajet», dep atap ótti Ǵumar Dúısembaev.
