Batys Qazaqstan oblystyq ekonomıkalyq tergeý departamenti «WhatsApp» messendjerinde «SWEET MONEY» dep atalatyn qarjy pıramıdasyn uıymdastyrý faktisi boıynsha qylmystyq is kóterip, tergeý jumysyn bastady. Qarjy pıramıdasyna 70-ten astam adam tartylǵany anyqtalyp otyr. Olardyń aldy alaıaqtardyń «qoryna» – 5 myń teńge salsa, aldy – 200 myń teńgege deıin salǵan kórinedi.
«Osy oqıǵa boıynsha Qazaqstan Respýblıkasynyń Qylmystyq kodeksiniń 217-baby - alaıaqtyq jolmen qarajatty ıelenip alý faktisi boıynsha qylmystyq is qozǵaldy. Alaıaqtar jobaǵa qatysyp, «Kaspi Gold» kartochkasyna aqsha salǵan salymshylarǵa 6 kún ishinde salym somasyn 50-70% ósimmen qaıtaryp berýge ýáde etken. Árıne, bul qarajat jobaǵa keıin qosylǵandardyń salǵan qarjysy esebinen alynatyny belgili. Sondyqtan alaıaqtar barynsha kóp adamdy pıramıdaǵa tartyp, qomaqty qarajat jınalǵan soń aqshany alyp, joǵalyp ketedi.
Batys Qazaqstan oblystyq ekonomıkalyq tergeý departamenti «SWEET MONEY» zergerlik salonynyń osyndaı alaıaqtyq áreketinen zardap shekkender bolsa, departamentke kelip, shaǵymdanýyn surap jatyr.
