Osy kúni qatty boran bolyp, kórinis kúrt nasharlap ketkendikten oblystaǵy barlyq avtomobıl joldary jabyldy. Bul týraly aldyn ala eskertildi. Biraq soǵan qaramaı jolǵa shyqqan Aıyrtaý, Shal aqyn, M.Jumabaev jáne Taıynsha aýdandarynyń avtojoldarynda 39 tehnıka 7 qar keptelisinde turyp qalǵan.
TJD barlyq jaǵdaılar boıynsha jedel áreket etý sharalaryn qabyldap, jol qyzmetteriniń kúshteri, jergilikti atqarýshy organdar, polısııa qyzmetkerleriniń kúsh biriktirýimen qurylǵan jedel shtab arqyly adamdar qar qursaýynan bosatylyp, tazartylǵan jol ýchaskelerine shyǵaryldy.
Sondaı-aq osy kúni Ǵ.Músirepov aýdandyq TJ bóliminiń qyzmetkerleri ótimdiligi joǵary «TREKOL» avtokóligimen Novoıshım selosynan Shal aqyn aýdany ortalyq aýrýhanasyna aýyr naýqasqa ushyraǵan 1974 jyly týǵan er adamdy jetkizdi. Al M.Jumabaev aýdanynyń TJ osyndaı avtokólikpen Molodogvardeıskoe selosynan Vozvyshen dárigerlik ambýlatorııasyna 1964 jáne 1958 jyly týǵan eki naýqas adamdy jetkizdi.
Joldardy patrýldeýge, blokbeketterdegi kezekshilikterge jáne avtojoldardy tazalaýǵa 249 adam jáne 204 birlik tehnıka jumyldyryldy. Sóıtip, «kári qudań» keterinde kóp álek salyp jatyr.
Soltústik Qazaqstan oblysy
