14 naýryzda túngi saǵat 02:00-de belgilengen jumys rejımin buzǵan elordalyq barlardyń birinde bir ýaqytta 300-ge jýyq adam saýyq qurǵan. Elordanyń sol jaǵalaýynda ornalasqan «Bla Bla Bar» karantındik shekteýlerge qaramastan, tún ortasynan keıin de jumys istedi. Oqıǵa ornyna kelgen monıtorıng toby mekemede 300-ge jýyq adamnyń bolǵanyn anyqtady. Kelýshiler áleýmettik qashyqtyq pen maska rejımin saqtamady. Materıal QR ÁQBtK 425-babyna sáıkes ákimshilik sharalar qabyldaý úshin «Esil aýdanynyń sanıtarlyq-epıdemııalyq baqylaý basqarmasy» RMM-ge jiberildi.
Sondaı-aq, Esil aýdanynda jumys rejımin buzǵan «Zima» barynyń basshylyǵy da jaýapqa tartyldy.
Almaty aýdanynda ótken táýlikte monıtorıngtik top karantındik shekteýlerdi buzǵan 3 mekemeni – «Dostar» kompıýterlik klýbyn, «Menson» jáne «Janym sol» karaoke-klýbtaryn anyqtady.
Saryarqa aýdanynda «Tamshy» saýnasy elordanyń bas sanıtarlyq dárigeriniń shekteý sharalary týraly qaýlysyn buza otyryp, 00:00-den keıin jumysyn jalǵastyrdy. Karantındi saqtamaǵany úshin «Qazyǵurt» kafesi de, Baıqońyr aýdanyndaǵy «Mezzo karaoke» zaly da jaýapkershilikke tartyldy.
Esterińizge sala keteıik, 10 naýryzdan bastap Nur-Sultan epıdemııalyq jaǵdaı boıynsha «qyzyl aımaqqa» endi. Karantındik shekteýlerdiń buzylǵanyn anyqtaý jáne boldyrmaý boıynsha monıtorıngtik toptardyń jumysy kúsheıtilgen rejımge aýystyryldy.
