Al osy jarystyń jalpy esebinde Maksımılıan Shahman shashasyna shań juqtyrmady. «BORA-hansgrohe» klýby sapynda óner kórsetetin 27 jastaǵy nemis sportshysynyń kórsetkishi – 28:49:51.
Ekinshi orynda – Aleksandr Vlasov. 24 jastaǵy Reseıdiń Vyborg qalasynyń týmasy bul kúnderi «Astananyń» quramynda bas synaýda. Ol jarys jeńimpazynan sál ǵana qalyp qoıdy.
«Astananyń» taǵy bir veloshabandozy úshinshi satyǵa jaıǵasty. 32 jastaǵy Ispanııanyń ókili Ion Isagırre 2009 jyldan beri qazaqstandyq komandanyń týy astynda óner kórsetýde.
Esterińizge sala keteıik, «Parıj-Nıssa» kópkúndigi sonaý 1933 jyldan beri uıymdastyrylyp keledi. 2002 jáne 2003 jyldary jalaýy jelbiregen jarys Qazaqstannyń maqtanyshy Aleksandr Vınokýrovtyń jeńisimen aıaqtalǵan bolatyn. Sonymen qatar «Astananyń» sapyndaǵy legıonerlerde de aıtýly dodada birneshe márte daralandy.
