Zertteý Qazaqstandaǵy memlekettik qyzmet týraly qoldanystaǵy zańnamaǵa jańa erejeler engizilgennen keıin memlekettik qyzmetshilerdiń ádep normalaryn saqtaý deńgeıin taldaýǵa baǵyttaldy. Saýalnamaǵa barlyǵy 7000 respondent, onyń ishinde memlekettik qyzmetshiler, kásipkerler, zańdy tulǵalar, sondaı-aq táýelsiz sarapshylar qatysty.
«BUU Damý baǵdarlamasymen yntymaqtastyq – agenttik qyzmetiniń mańyzdy quramdas bóligi. BUUDB qoldaýymen memlekettik apparatty kásibılendirýge baılanysty kóptegen jobalar júzege asyryldy, bul agenttiktiń áleýetin nyǵaıtýǵa, Qazaqstandaǵy memlekettik qyzmet júıesin damytýǵa jáne memlekettik qyzmetterdiń sapasyn jaqsartýǵa oń áser etýde. Osy saýalnama agenttikke memlekettik apparat etıkasyn jaqsartý boıynsha odan ári sharalar ázirleýde aıtarlyqtaı kómek kórsetedi dep oılaımyz. Sondaı-aq, bul kezdesý agenttik pen BUUDB arasyndaǵy memlekettik qyzmet salasyndaǵy yntymaqtastyqty nyǵaıtýdaǵy taǵy bir qadam bolady dep úmittenemiz», dedi Memlekettik qyzmet isteri agenttigi Strategııalyq damý jáne halyqaralyq baǵdarlamalar departamentiniń dırektory Azamat Jolmanov.
«BUUDB Memlekettik qyzmet isteri agenttigimen uzaq merzimdi seriktestikti joǵary baǵalaıdy, onyń aıasynda birqatar sátti jobalar men mańyzdy bastamalar júzege asyryldy. Biz memlekettik qyzmettegi etıka men adaldyq qaǵıdattarynyń oryndalýyna qoldaý kórsetetin bolamyz», dedi Qazaqstandaǵy BUUDB-nyń tıimdi basqarý departamentiniń dırektory Konstantın Sokýlskıı zertteý nátıjelerin tanystyrýǵa arnalǵan is-sharada.
Saýalnama nátıjeleri boıynsha respondentterdiń úshten biri (37,5 paıyzy) memlekettik qyzmetshilerdiń jartysynan kóbi Ádep kodeksi talaptaryn saqtaıdy dep sanaıdy. 34,9%-y memlekettik qyzmetshilerdiń minez-qulyq ádebine qatysty jaǵdaı jaqsaryp keledi dep sanaıdy; 31%-y jaǵdaıdyń árdaıym jaqsy bolyp qalatynyna senimdi.
2020 jyldyń nátıjelerin 2017, 2018 jyldardaǵy nátıjelermen salystyrsaq, aıtarlyqtaı ózgeristerdi kórýge bolady, ıaǵnı memlekettik qyzmetshilerge qatysty ádepke saı emes minez-qulqyna baılanysty sharalar qabyldaýǵa májbúr bolǵan respondentterdiń paıyzy aıtarlyqtaı tómendedi. Mysaly, eger 2018 jyly 34,7% respondent memlekettik qyzmetshiniń ádepke jat minez-qulqyna qatysty sharalar qabyldaýǵa týra keldi dep jaýap berse, 2020 jyly mundaı respondentter úlesi 13,4% boldy.
Respondentterdiń basym kópshiligi (92,8%) karantın kezinde memlekettik qyzmetshilermen áreketke túsý barysynda ádepke qatysty qandaı da bir problemany baıqamaǵan. Tek 10 respondent (0,4%) karantın kezinde ádepke baılanysty buzýshylyqtardy baıqaǵanyn aıtty.
Saýalnamaǵa sáıkes, suralǵan memlekettik qyzmetshilerdiń 85,7%-y Ádep jónindegi keńestiń jáne onyń sheshimderimen isterdi qaraý rásimderiniń ádildigine senedi. 2017, 2018 jyldardyń nátıjelerimen salystyrǵanda memlekettik qyzmetshiniń ádebin saqtaýǵa jaýapty organdar men ınstıtýttar rásimderiniń ádildigine degen senimniń óskenin kórýge bolady. 2020 jyly Ádep kodeksiniń mazmunymen tanysqan memlekettik qyzmetshilerdiń sany ósti.
Budan basqa, 2021 jyly agenttik alǵash ret Ádep jónindegi ýákilge ádeptilik deńgeıin aıqyndaý úshin árbir memlekettik organnyń resmı saıtynda saýalnama ornalastyrýdy usyndy, oǵan barlyq azamattar qatysa alady. Osylaısha, árbir azamat saýalnamaǵa qatysýyna bolady.
Memlekettik qyzmetshilerdiń ádep deńgeıiniń jáne Ádep jónindegi ýákilder qyzmetiniń reıtıngteri myna siltemede qoljetimdi: https://www.gov.kz/memleket/entities/qyzmet?lang=ru
Saýalnama BUUDB men Memlekettik qyzmet isteri agenttiginiń «Memlekettik apparatty kásibılendirý tetikterin jetildirý, memlekettik qyzmetterdiń sapasyn qamtamasyz etý jáne sybaılas jemqorlyqtyń aldyn alý» birlesken jobasy sheńberinde júrgizildi.
