«О́kinishke qaraı, óńirde ana ólimi bar. Búgingi kúni-eki ana ólimi koronavırýspen baılanysty, qazir ana óliminiń taǵy bir jaǵdaıy №2 MOB-da tergelýde. Eger ótken jyly pandemııaǵa qaramastan bizde ana óliminiń úsh jaǵdaıy ǵana bolsa, bıyl tolyq emes úsh aıda eki jaǵdaı tirkeldi, buǵan qosa taǵy bireýi tekserilip jatyr», dedi N. Syzdyqov. О́tken jyldyń 12 aıynda Aqmola oblysynda ana óliminiń úsh jaǵdaıy tirkeldi: eki jaǵdaı – Kókshetaý qalasynyń №1 emhanasynda, bir jaǵdaı – «Avısenna-Býrabaı» JShS-de. Olardyń ishinde eki jaǵdaı COVID-19 jáne bir jaǵdaı akýsherlik patologııamen – eklampsııamen baılanysty boldy», deıdi Aqmola oblysy Densaýlyq saqtaý basqarmasy basshysynyń mindetin atqarýshy Narıman Syzdyqov.
2019 jyly aımaqta ana óliminiń eki jaǵdaıy bolǵan. Onyń bireýi ekstragenıtaldy aýrýdan, ekinshisi akýsherlik patologııadan – bosanǵannan keıingi qan ketýden.
Basqarma basshysynyń aıtýynsha, óńirde 2020 jyly koronavırýs juqtyrǵan 201 júkti Densaýlyǵynda aqaýlyq bar júkti áıelderge kúndelikti monıtorıng jáne bosanǵanǵa deıin olardyń baǵytyn baqylaý júrgiziledi.
«Qazirgi ýaqytta júkti áıelder tirkeliminiń derekteri boıynsha aýyr ekstragenıtaldy aýrýlary jáne júktilikke qarsy kórsetilimderi bar 23 júkti áıel esepte tur. Jasóspirimder arasyndaǵy júktiliktiń jıiligi 3,5 quraıdy (14 731 jasóspirim qyzǵa 51 jaǵdaı). «Ana óliminiń negizgi sebebi jańa belgisiz ınfeksııamen – COVID-19, medısınalyq kómekti uıymdastyrý tarapynan kemshiliktermen baılanysty: stasıonar deńgeıindegi jaǵdaıdy jete baǵalamaý, bastapqy kezeńde álsiz uıymdastyrýshylyq, pandemııaǵa baılanysty medısınalyq kómekke qoljetimdiliktiń tómendeýi», dep tolyqtyrdy basqarma basshysy.
