Saryarqa aýdanynyń Oqjetpes kóshesindegi dúkende monıtorıngtik top qyzmetkerlerdiń maska rejımin buzǵanyn anyqtady.
Sondaı-aq «Mıata» laýndj bary túngi saǵat 12-den keıin tamaqtaný oryndarynda shekteýlerge qaramastan jumysyn jalǵastyrdy.
Almaty aýdanyndaǵy «Atom» kompıýterlik klýbynyń jumys isteýine tyıym salynǵanyna qaramastan zańdy attap, karantın tártibin buzdy.
Baıqońyr aýdanynda ornalasqan Shashlykoff grıl barynda da karantındik shekteýlerdiń buzylýy anyqtaldy.
Quqyq buzýshylarǵa qatysty barlyq materıaldar kásipkerlerdi ákimshilik jaýapkershilikke tartý úshin ýákiletti organdarǵa berildi.
Esterińizge sala keteıik, 10 naýryzdan bastap Nur-Sultan epıdemıologııalyq ahýaldy baǵalaý boıynsha «qyzyl aımaqqa» endi. Karantındik shekteýlerdi buzýshylyqtardy anyqtaý jáne boldyrmaý boıynsha monıtorıngtik toptardyń jumysy kúsheıtilgen rejımge aýystyryldy.
Jaqynda elordanyń bas sanıtarlyq dárigeri Sarhat Beısenova Nur-Sultanda karantındik shekteýlerdi kúsheıtý týraly Qaýlyǵa qol qoıdy. Oǵan sáıkes jeksenbi kúnderi kásipkerlik nysandarynyń birazynyń jumysyna tyıym salynady. Qujat 18 naýryzda kúshine enedi.
