Jyrdan daýyl turǵyzdy

Jas aıtys aqyndary jyl basy Naýryzdan bastap, Alash kósemi Álıhan Bókeıhannyń 155 jyldyq, tuńǵysh zańger Ja­qyp Aqbaevtyń 145 jyl­dyq já­ne tuńǵysh matematık Álim­han Er­mekovtiń 130 jyldyq mereıtoılaryna qatysty taqy­rypty jyrǵa qosyp, aıtystyń kórigin qyzdyrdy.

Aıtystyń aqtańgeri Amanjol Áltaev bastaǵan qazylar alqa­synyń sheshimimen bas júlde Qa­ra­ǵandy qalasynyń atynan tús­ken Tórehan Sovetke bu­ıyr­dy. Birinshi oryndy qarq­ara­lylyq Bekarys Ospanov ıelense, ekin­shi júlde Doskeı Bot­paı men Nur­lybek Tókenge berildi. Bul eki aqyn­­nyń ekeýi de Buqar jyraý aýda­nynyń namysyn qorǵady. Al úshinshi júldeni Sátbaev qala­sy­nyń aqyny Abzal Maqash pen Temirtaýda turatyn shaıyr Ja­narys Tileýbek qanaǵat etti.

Sonymen birge jekelegen aqyn­­darǵa arnaıy júldeler be­rildi. Atap aıtqanda, temir­taý­lyq Erkeǵalı Bekbolat Álı­han Bókeıhan atyndaǵy, qara­ǵandylyq Nursultan Rymbaı, Álim­han Ermekov atyndaǵy, Nura aýdanynyń úmiti Jandos Ba­qytuly Jaqyp Aqbaev atyn­daǵy arnaıy júldelerge laıyqty dep tanyldy.

Jas aqyndar jyr aıtysyn Qaraǵandy oblystyq mádenıet, arhıvter jáne qujattama bas­qar­masy, oblystyq mádenı-saýyq jáne halyq shyǵarmashylyǵynyń ǵylymı-ádistemelik ortalyǵy, sondaı-aq «Arqa» aıtys aqyndary men jyrshy-termeshiler mektebi uıymdastyrdy.

QARAǴANDY