Áýlıeata jerindegi ádemi kún

«Ejelgi Taraz eskertkishteri» memlekettik tarıhı-mádenı qoryq-mýzeıiniń uıymdastyrýymen Ulystyń uly kúni – Naýryz meı­ramy atalyp ótti. Sonymen qa­tar merekelik shara barysynda qazaqtyń tusaýkeser, betashar sııaqty ulttyq salt-dástúrleri de dáripteldi. Ásirese, sharaǵa kelgen jastarǵa balanyń tusaýyn kesý, kelinniń betin ashý sııaqty ǵuryptar tanystyryldy. Atalǵan mekeme aýla­syna kıiz úı tigilip, altybaqan quryldy. Shara barysynda atalǵan qoryq-mýzeıdiń dırektory Nurlan Byqybaev kópshilikti Ulystyń uly kúnimen quttyqtasa, Sherhan Murtaza atyndaǵy oblystyq rýhanııat jáne tarıhtaný ortalyǵynyń dırektory Saýran Qalıev Mem­leket basshysy Qasym-Jomart Toqaev óziniń «Táýelsizdik bárinen qymbat» atty maqalasynda Naýryz meıramyn laıyqty deńgeıde atap ótýdi tapsyrǵanyn, soǵan saı óńir­de Ulys­tyń uly kúni toı­la­nyp jatqanyn jetkizdi. Al ob­lystyq tarıhı-ól­ketaný mýzeıiniń dırektory Seıit­jan Ilııas jınalǵan kópshilikti Naý­ryz me­rekesimen qut­tyqtap, elimizge aman­dyq, jerimizge bereke tiledi. Son­daı-aq Mádına Saǵynbekova, Ja­nar О́ztemirova syndy óńirge bel­gili ánshiler ánnen shashý shashty.

Munda aıtýly merekege oraı, kópshilikke arnaıy dastarqan ja­ıyly­p, Naýryz kóje taratyldy. Kelýshiler altybaqan teýip, aýla mańynda ornalasqan tarıhı já­diger­lermen tanysty.

Jambyl oblysy