17 fınalısti anyqtaıtyn qashyqtan irikteý kezeńi 25 naýryz ben 15 mamyr aralyǵynda ótedi. Kastıngke qatysýdyń barlyq sharttary www.baladauysy.kz saıtynda jazylǵan, sondaı-aq ótinimderdi qabyldaý kezeńi búginnen bastaldy. Baıqaýǵa qatysý tegin.
1 maýsym men 1 qazan aralyǵynda «Bala daýysy» fınalyna daıyndyq kezeńinde: fınalǵa qatysýshylar úshin vokal, akterlik sheberlik, horeografııa boıynsha jeke sabaqtar ótkiziledi; qaıtalanbas jáne erekshe sahnalyq beıneni jasaý maqsatynda rejısserler, grafıka jáne jaryq túsirýshiler, sýretshiler, dızaınerler, stılıstter olarmen jumys isteıdi.
Aıta keteıik, irikteý kezeńiniń árbir qatysýshysy ataýly dıplomdar alady, fınalısterge baǵaly syılyqtar beriledi. «Bala daýysy» baıqaýynyń jeńimpazy alǵashqy kúnderinen bastap joba avtory jáne «Jandaný álemi» qorynyń quryltaıshysy Álııa Nazarbaeva taǵaıyndaǵan ataýly bilim berý grantynyń ıegeri atanady. Sondaı-aq baıqaý qorytyndysy boıynsha balalar ánderiniń jınaǵy shyǵarylady. Barlyq jańa ánder, aldyńǵy maýsymdarda jazylǵan ándermen «Bala daýysy» saıtynda tanysýǵa bolady.
Baıqaýdyń fınaly 7 jáne 9 qazan kúnderi Nur-Sultan qalasynda ótedi.
