1. Gaz qurylǵylaryn qalaı paıdalaný qajet?
Tek jaramdy gaz jabdyqtaryn paıdalanyńyz. Jalynnyń túsin qadaǵalańyz, eger ol qyzǵylt sary bolsa, ıaǵnı jabdyqta aqaý bar, mundaı jaǵdaıda gaz qyzmetkerin shaqyrý kerek. Jumys istep turǵan gaz plıtalaryn jáne sý jylytqyshtardy qaraýsyz qaldyrmańyz, úrleýge nemese jalynnyń suıyqtyqtarmen quıylýyna jol bermeńiz. Gaz jabdyqtaryn paıdalanýǵa kishkentaı balalardy, óz áreketterin baqylamaıtyn adamdardy jibermeńiz.
Esińizde bolsyn! Gazdyń janýy úshin turaqty aýa aǵyny qajet. Gaz plıtasyn ne sý jylytqyshty tutatqanda, tereze jeldetkishi árdaıym ashyq bolýy kerek.
Gaz berý kenetten toqtaǵan kezde gaz aspaptary janarǵylarynyń shúmekterin dereý jabyńyz jáne 104 nemese 8 (7172)-55-89-76 telefondary arqyly avarııalyq gaz qyzmetine habarlańyz.
2. Nelikten tartylysty tekserý kerek?
Tútin jáne jeldetý arnalarynda tartylystyń bolmaýy gazdyń janý ónimderimen ýlanýyna ákelýi múmkin.
Gazben sý jylytqyshtaryn, qazandyqty jáne tútindikke janý ónimderin shyǵaratyn basqa da aspaptardy árbir paıdalaný aldynda tútin murjasynda tartylystyń bolýyn tekserý qajet. Tútindiktiń jáne jeldetkish júıeleriniń qurylǵysyn ózgertýge, jeldetkish kanaldaryn jelimdeýge, gaz paıdalanatyn jabdyqtyń tútin shyǵarǵyshtaryn jeldetkish kanaldaryna qosýǵa, tútindikterdi tazalaýǵa arnalǵan «qaltalar» men lıýkterdi jabýǵa nemese jelimdeýge bolmaıdy. Sý jylytqyshtardan tútin tartatyn qubyrlarǵa jáne murjalarǵa qosymsha shıberlerdi óz erkimen ornatýǵa bolmaıdy.
Jeke turǵyn úılerdiń ıeleri qys mezgilinde tútin murjalarynyń basyn qatyp qalýyna jáne bitelýine, sondaı-aq qysymnyń tómendeýine baılanysty kúzgi-qysqy kezeńde jıi týyndaıtyn «keri tartý» áseriniń paıda bolýyna jol bermeý maqsatynda olardy kezeńdik tekserip otyrýy tıis.
Jeldetý jáne tútin arnalary merzimdi tekserýlerden ótýi kerek ekenin eskertemiz:
- jylytý maýsymynyń aldynda – maýsymdyq jumys isteıtin gaz aspaptary men apparattarynyń tútin murjalary;
- 12 aıda keminde 1 retten kem emes ystyqqa tózimdi betonnyń arnaıy bloktarynan jasalǵan kirpish, asbest-sement, qysh murjalary, sondaı-aq jeldetkish arnalary.
Esińizde bolsyn, tartylys bolmaǵan jaǵdaıda gaz aspaptaryn paıdalanýǵa tyıym salynady.
3. Nelikten gaz jabdyqtaryna únemi tehnıkalyq qyzmet kórsetý qajet?
Turmysta gazdy qaýipsiz paıdalaný úshin erejelerdi bilý ǵana emes, paıdalanylatyn gaz jabdyǵynyń jaramdylyǵy da mańyzdy ról atqarady.
Aqaýly gaz jabdyǵyn paıdalaný qaıǵyly aıaqtalmas úshin úıishilik gaz jabdyǵyna (ÚIGJ) merzimdi tehnıkalyq qyzmet kórsetýdi júrgizý qajet.
Ol úshin gaz aspaptarynyń árbir menshik ıesi mamandandyrylǵan uıymmen tehnıkalyq qyzmet kórsetýge shart jasasýǵa mindetti.
4. Turmysta gazdy paıdalaný kezinde mynaǵan jol berilmeıdi:
- gazben jabdyqtaý júıesine óz betinshe qosylýǵa, gaz jabdyǵyn jáne esepke alý aspaptaryn qaıta ornatýǵa, óz betinshe montajdaýǵa jáne demontajdaýǵa, gaz jabdyǵyn aýystyrýǵa jáne jóndeýge, qosymsha jabdyqty montajdaýǵa;
- gaz aspaptary ornatylǵan úı-jaılardy qaıta josparlaýǵa;
- gaz aspaptarynyń konstrýksııasyna ózgerister engizýge;
- tútin jáne jeldetý júıeleriniń qurylǵysyn ózgertýge;
- jeldetý kanaldaryn jelimdeýge, tútindikterdi tazalaýǵa arnalǵan «qaltalardy» jáne lıýkterdi biteýge;
- gaz aspaptary, avtomatıka jáne armatýra aqaýly bolǵan kezde gazdy paıdalanýǵa;
- gazdandyrylǵan peshter men tútindikterdi qalaý, sylaý (jarý) tyǵyzdyǵy buzylǵan kezde gazdy paıdalanýǵa;
- tútin jáne jeldetkish arnalaryn tekserý jáne tazalaý týraly aktiniń qoldanylý merzimi ótkennen keıin gazdy paıdalanýǵa;
- jeldetkishter (framýgalar), jeldetý kanaldarynyń torlary jabyq bolǵanda, tútin qubyrlary men jeldetý kanaldarynda tartylys bolmaǵan kezde gaz aspaptaryn paıdalanýǵa;
- jumys istep turǵan gaz quraldaryn qaraýsyz qaldyrýǵa;
- mektep jasyna deıingi balalardyń, sondaı-aq óz is-áreketterin baqylamaıtyn jáne osy aspaptardy paıdalaný erejelerin bilmeıtin adamdardyń gaz aspaptaryn paıdalanýyna;
- arqandardy gaz qubyrlaryna baılaý jáne gaz qubyrlaryn júkteýge;
- gaz ben gaz aspaptaryn basqa maqsatta paıdalanýǵa;
- úı-jaıdy jylytý úshin gaz plıtalaryn paıdalanýǵa;
- gaz aspaptary ornatylǵan úı-jaılarda uıyqtaýǵa jáne demalýǵa paıdalanýǵa;
- gazdyń shyǵýyn anyqtaý úshin ashyq otty qoldanýǵa.
5. Tabıǵı gazdyń ıisi paıda bolǵan kezde ne isteý kerek?
Gaz qurylǵylaryn paıdalanýdy dereý toqtatyńyz! Qurylǵylardaǵy jáne qurylǵylardyń aldyndaǵy krandardy jabyńyz. Bólmeni jeldetý úshin terezeler men terezelerdiń jeldetkishin ashyńyz!
Ashyq otty tutatpańyz, temeki tartpańyz, elektr jaryǵy men elektr aspaptaryn qospańyz jáne óshirmeńiz, elektr qońyraýlaryn paıdalanbańyz.
Gazdalmaǵan úı-jaıdan «104» (uıaly baılanys qurylǵylary úshin) nemese 8 (7172)-55-89-76 telefondary arqyly avarııalyq qyzmetti shaqyryńyz.
6. Qaýipsizdik
Gaz tutyný jabdyǵyn paıdalaný kezinde gaz berýdi ajyratý avtomatıkasy bar tabıǵı jáne ýly gazdardyń aǵýyna jaýap beretin sıgnalızatorlardy ornatyńyz.
Gaz ony durys qoldanǵan kezde ǵana qaýipsiz. Joǵaryda keltirilgen usynystardy qatań túrde oryndańyz!!!
Kúndelikti ómirde gazdy paıdalaný kezinde qaýipsizdik erejelerin elemeý kútpegen saldarǵa ákelýi múmkin ekenin umytpańyz.
О́z ómirińiz ben jaqyndaryńyzdyń ómirine qaýip tóndirmeńiz.
