Jetisaı aýdany aýmaǵyndaǵy toǵaılyq alqaptar men ózen-sýlarda zańsyz balyq aýlaý derekterin anyqtaý, aldyn alý maqsatynda Jetisaı APB JPQ qyzmetkerlerimen reıdtik-profılaktıkalyq is-sharalar únemi ótkizilip otyrady. Osyndaı kezekti tekserý kezinde polıseıler, Útirtóbe aýylyna qarasty Shardara sý qoımasy mańynda jergilikti turǵynnyń zańsyz túrde shanyshqy (astraga) paıdalana otyryp, balyq aýlap otyrǵanyn anyqtady. Ustalǵan jigitten aıǵaqty zat retinde bir dana rezeńke qaıyq, úsh metrli shanyshqy (astraga) jáne 50 danadan astam zańsyz aýlanǵan balyq tárkilenip alyndy. Balyqtardyń jalpy salmaǵy 93 kelini qurady.
Atalǵan jaıt QR QK-niń 335 babymen (Balyq resýrstaryn, basqa da sý janýarlaryn nemese ósimdikterdi zańsyz aýlaý) tirkelip, SDTTBT-ne qylmystyq is engizilip, sotqa deıingi tergep-tekserý amaldary bastaldy. Tabıǵatqa zalal keltirgen turǵyn Jetisaı APB-ne jetkizildi. Bas sharasy “kelý týraly mindetteme”.
О́z kezeginde Túrkistan oblysynyń polıseıleri azamattarǵa zańsyz balyq aýlap, sondaı-aq Qyzyl kitapqa engizilgen janýarlar men ósimdikterdi joıýdyń sońy zań aıasynda jaýapqa tartylýǵa ákelip soǵatynyn eskertedi.
