QR IIM nusqaýyna sáıkes Túrkistan oblysynyń aýmaǵynda jeke adamǵa qarsy qylmystyń aldyn alý men anyqtaýǵa jáne adam saýdasy jaıttarynyń jolyn kesýge baǵyttalǵan «Stop-trafık» jedel-profılaktıkalyq is-sharasy ótkizilýde.
Atalǵan is-sharasy aıasynda Túrkistan oblysy PD Krımınaldyq polısııa basqarmasynyń qyzmetkerleri jeńgetaılyq dereginiń jolyn kesti. Tártip saqshylary Saryaǵash aýdanyndaǵy qonaq úılerdiń birinde prıton uıymdastyryp, ıntımdik qyzmet kórsetti degen kúdikpen QR úsh azamatshasyn ustady.
Atalǵan jaıtty polıseıler QR QK-niń 309-baby (Jezókshelikpen aınalysýǵa arnalǵan prıtondar uıymdastyrý nemese ustaý jáne jeńgetaılyq) boıynsha SDTBT-ǵa tirkedi. Qazir sotqa deıingi tergeý amaldary júrgizilýde. Tergeý oqıǵanyń tolyq mán-jaılaryn anyqtaýda.
Polıseıler budan bólek, «Stop-trafık» jedel-profılaktıkalyq is-sharasy barysynda, qoǵamdyq oryndarda tıisýdiń 10 jaǵdaıyn anyqtap, olar boıynsha ákimshilik hattamalar toltyryldy.
Sondaı-aq úsh áıel profılaktıkalyq esepke qoıyldy, eki adam jeke basyn anyqtaǵanǵa deıin Qabyldaý-taratý ornyna ornalastyryldy.
О́z kezeginde Túrkistan oblysynyń polıseıleri adam saýdasy men jeńgetaılyqqa baılanysty qylmystar úshin qatań qylmystyq jaýapkershilik baryn eske salady.
