Jahandyq dodanyń ekinshi kúninde er sportshylar qysqa baǵdarlama boıynsha úzdikterdi anyqtady. Bul synda el namysyn Qazaqstan kýbogynda top jaryp, Bolgarııadaǵy Sofia Trophy 2021 halyqaralyq týrnırinde qola júlde enshilegen Mıhaıl Shaıdarov qorǵady. Otandasymyz alǵash ret álem chempıonatyna qatysqan soń ba, nátıjesi jankúıerlerdi qýanta qoıǵan joq. Erkin baǵdarlamada 59.14 upaı jınaǵan ol álem birinshiligin 32-orynmen aıaqtady.
Al bul jarysta AQSh sportshysy Natan Channyń mereıi ústem boldy. 320.88 upaı oljalaǵan Chan úsh dúrkin álem chempıony atandy. 17 jastaǵy japonııalyq Iýma Kagııama (291.77) kúmispen kúptelse, taǵy bir japonııalyq Iýdzýrý Hanıý 289.18 upaımen qola júldeni qanaǵat tutty.
